ATYRAÝ. 30 qańtar. Atyraý oblysynyń áleýmettik-ekonomıkalyq salasynda 17 myń zań buzýshylyq anyqtalyp, prokýrorlar pármenimen olardy joıý sharalary alyndy. Bul týraly egemen.kz tilshisi habarlady.
El zańdarynyń saqtalýyn qadaǵalaýshy prokýrorlardyń yqpal etýimen 2500-ge jýyq tulǵa ár túrli jaýapkershilikke tartylypty. «Zań buzýshylyqtarǵa baılanysty 41 qylmystyq is qozǵalyp, 901 zańsyz quqyqtyq aktiniń kúshi joıyldy», dep málim etti oblys prokýrory Ǵalymjan Toǵyzbaev.
Sonymen birge, prokýroratýra qyzmetkerleri 62 myńnan astam azamattyń, onyń ishinde 8 myńǵa jýyq jasy kámeletke tolmaǵandardyń konstıtýsııalyq quqyǵynyń qorǵalyp, qalpyna keltirilýine yqpal etti.
Joldasbek Shópeǵul.
Derek: Atyraý oblystyq prokýroratýrasy.
Sýret: Rahym Qoılybaev.