Almaty qalasynyń Qylmystyq ister jónindegi mamandandyrylǵan aýdanaralyq soty, kináni moıyndaý týraly prosestik kelisiminiń negizinde qańtar oqıǵalary kezinde jetkizilgen adamǵa azaptaýdy qoldanǵany úshin aıyptaý úkimin shyǵardy, dep habarlaıdy Egemen.kz.
Qylmystyq isti Almaty qalasynyń arnaıy prokýrorlary tergep-teksergen.
«Prokýrorlar 2022 jylǵy 8 qańtarda Almaly aýdanynyń Polısııa basqarmasynda kináli polısııa qyzmetkeriniń jetkizilgen azamatqa qatysty azaptaýlardy qoldanǵanyn dáleldedi. Polısııa qyzmetkeriniń quqyqqa qarsy áreketteriniń nátıjesinde jábirlenýshige tán azaby keltirilgen», delingen habarlamada.
Kináni moıyndaý týraly prosestik kelisimin eskere otyryp, sot úkimimen sottalýshyǵa arnaıy ataǵynan jáne memlekettik qyzmette jumys isteý quqyǵynan aıyra otyryp, 2 jyl 6 aı merzimge bas bostandyǵyn shekteý túrindegi jaza taǵaıyndalǵan.
Sot úkimi zańdy kúshine endi.