Kelesi aıda Qazaqstan fýtbol federasııasynyń qorytyndy konferensııasy ótip, onda jańa prezıdent saılanady. Bul týraly Parlament Májilisiniń otyrysynda Týrızm jáne sport mınıstri Erbol Myrzabosynov málimdedi, dep habarlaıdy Egemen.kz.
«Fýtbol federasııasy – óziniń atqarýshy komıteti bar qoǵamdyq birlestik. Búgingi tańda úmitkerler týraly áli belgisiz. Qalaı bolǵanda da, barlyq úmitkerlerge tolyq taldaý jasalady. Bir aıdan keıin qorytyndy konferensııa ótip, onda kandıdattar jarııalanady. Múshe bolatyn barlyq aımaqtar jańa prezıdentti saılaıdy. Biz de úmitkerdi tańdaýǵa qatysamyz», dedi Erbol Myrzabosynov.
Buǵan deıin, Qazaqstan fýtbol federasııasynyń prezıdenti Ádilet Bármenqulovtyń qyzmetinen ketkenin habarlaǵan edik.