О́TINIShI BOIYNShA KEZDESTI

Keshe Qazaqstan Respýblıkasy Parlamenti Májilisiniń Tóraǵasy Oral Muhamedjanov Iran Islam Respýblıkasynyń elimizdegi Tótenshe jáne ókiletti elshisi Gorban Seıfıdi onyń ótinishi boıynsha qabyldady, dep habarlady osy palatanyń baspasóz qyzmeti. Taraptar Qazaqstan men Iran arasyndaǵy yntymaq­tastyq baılanys jaqsy da­myp kele jatqanyn atap ótti. Eki el prezıdentteriniń kez­de­sýleri memleketterdiń saýda-ekonomıkalyq baılanystary damýyna keń jol ashatynyn málimdedi. Aıtalyq, jýyrda Túr­kııada ótken AО́SShK sheńberinde eki el bas­shylary kezdesti. Sol júz­desýde de kóptegen ma­ńyzdy máseleler qarasty­ryldy. Mysaly, 2008 jyly eki el arasyndaǵy saýda aı­na­lymy 2 mlrd. AQSh dol­la­rynan as­qan bolsa, ótken jyly bul kórsetkish álemdik qarjy daǵdarysynyń áseri­nen sál tómendedi. Degen­men, aldaǵy ýaqytta osy deń­geıdi qalypqa keltirip, ekonomı­ka­lyq árip­testik baılanys­tyń barlyq túrin damytýǵa tolyq múm­kin­dik bar ekeni atap kórsetildi. Úkimet­aralyq komıssııanyń jumysyn jan­dandyrý, par­la­­ment­aralyq baılanysty art­ty­rý úshin zań shyǵarý isin­degi tájirıbe almasý joldaryn qa­rastyrý máse­leleri kóteril­di. Iran elshisi óz sózinde Májilis Tóraǵasyna Iran Parlamenti jetekshisiniń sálemin jáne Tehranǵa kelýge shaqyrǵanyn jetkizdi. Bul shaqyrýǵa O.Muhamedjanov rızashylyǵyn bildirdi. Taraptar Qazaqstannyń EQYU-ǵa tóraǵalyq etýindegi basty ustanymdary, bizdiń el­de qarasha aıynda ótýi jos­par­lanǵan EQYU-nyń Sammıti týraly pikir almasty. Kezdesý sońynda Májilis Tóraǵasy elshiniń Qazaq­stan­daǵy mártebeli qyzmetine tabys tiledi.