Jarqyn jeńisimen quttyqtady

Memleket basshysy Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty Reseı Federasııasynyń Prezıdenti Vladımır Pýtınnen quttyqtaý jedelhaty kelip tústi, dep habarlady Prezıdenttiń baspasóz qyzmeti. Vladımır Pýtın Nursultan Nazarbaevty prezıdenttik saılaý­da aıqyn jeńiske jetýine baı­lanysty shyn júrekten quttyq­taıtynyn jetkizgen. – Daýys berý qorytyndysy Sizdiń otandastaryńyz aldyndaǵy bıik bedelińizdi tolyǵymen qýat­taıdy. Qazaqstan azamattary óz tańdaýlary arqyly Sizdiń eldi áleýmettik-ekonomıkalyq turǵy­dan jedeldetip damytý, eýra­zııalyq yqpaldastyq úderisterge belsene qatysý jáne Reseımen stra­tegııalyq ári odaqtastyq serik­testik qatynastardy nyǵaıtý jó­nindegi baǵdaryńyzǵa keńinen qoldaýyn kórsetti, – delingen jedelhatta. Reseı Federasııasynyń Pre­zı­denti senimdi dıalog pen ekijaqty baılanystardyń aýqy­myn odan ári óristetý jónindegi bir­lesken ju­mysty, sondaı-aq, Eý­ra­zııalyq eko­no­mıkalyq odaq pen ózge de halyq­aralyq qurylym­dar aıasyn­daǵy syndarly yqpaldas­tyqty jalǵastyrýǵa daıyn eken­digin atap kórsetti. – Bul Reseı men Qazaqstannyń baýyrlas halyqtarynyń túpki múd­delerine saı keletinine, bizdiń qurlyqtaǵy beıbitshilikti, turaq­tylyq pen qaýipsizdikti qamta­masyz etý jónindegi baǵytpen únde­setinine senimdimin, – delingen quttyqtaýda. Sońynda Vladımır Pýtın Nursultan Nazarbaevqa myqty densaýlyq, sarqylmas qýat jáne memleket basshylyǵyndaǵy asa jaýapty qyzmetine jańa tabystar tiledi. *   *   * Memleket basshysy Nursultan Nazar­baevtyń atyna onyń Qazaqstan Respýblıkasy Prezıdenti bolyp saılanýyna baılanysty Amerıka Qurama Shtattarynyń Prezıdenti Barak Obamadan quttyqtaý jedelhaty kelip tústi, dep habarlady Prezıdenttiń baspasóz qyzmeti. Barak Obama Nursultan Nazarbaevty prezıdenttik saılaýdaǵy  jeńisimen quttyqtady. «Qurama Shtattar men Qazaqstannyń arasynda jahandyq jáne óńirlik máselelerdi tabysty sheshý jónindegi tyǵyz yqpaldastyqtyń jarqyn tarıhy bar. Halyqtarymyzdyń ıgiligi úshin ekijaqty qarym-qatynastarymyz ben strategııalyq seriktestigimizdiń odan ári tereńdeı beretinine senemin», – delingen jedelhatta. Aq úı basshysy AQSh Qazaqstanmen seriktese otyryp, Aýǵanstandaǵy qaýipsizdikti qoldaýdy jáne ıadrolyq qarý taratpaý isindegi ortaq maqsattardy ilgeriletýdi qamtamasyz etip otyrǵanyn aıtty. «Kóptegen qaýip-qaterleri bar álemde uzaq merzimdi turaqtylyq pen qaýipsizdikke ókildi jáne esep berýshi ınstıtýttardy, sondaı-aq, azamattyq qoǵamdy damytpaı qol jetkizý múmkin emes. Men elderimizdiń ıgiligi úshin osy barlyq mańyzdy másele boıynsha Sizben yntymaqtastyqqa ázirmin», – delingen quttyqtaýda. Sońynda Barak Obama Amerıka halqynyń jáne jeke óziniń atynan Qazaqstan halqyna jyly lebizin jetkizip, tatýlyq pen baq-bereke tiledi. *   *   * Memleket basshysy Nursultan Nazar­baev Qytaı Halyq Respýblıkasynyń Tóra­ǵasy Sı Szınpınmen telefon arqyly sóı­lesti, dep habarlady Prezı­denttiń baspasóz qyzmeti. Sı Szınpın Nursultan Nazarbaevty 26 sáý­ir­de ótken saılaýdaǵy jeńisimen quttyq­tady. Qytaı basshysy Qazaqstan Prezıdentiniń táýelsizdikti nyǵaıtýǵa jáne Qazaqstannyń or­nyqty damýyna qosqan úlesin joǵary baǵalady. Memleket basshylary áńgime barysynda ekijaqty yntymaq­tas­tyq­tyń áleýeti joǵa­ry ekenin aıtyp, «Nurly Jol» jáne «Ji­bek jolynyń ekonomıkalyq beldeýi» baǵdar­la­ma­larynyń ózara tolyqtyrýshy sıpatyn atap ótti. Sonymen qatar, taraptar óńirlik jáne halyq­aralyq ózekti máselelerge qatysty eki el­diń ustanymdary uqsas ekenine nazar aýdardy. Sońynda Sı Szınpın Qazaqstan Prezı­den­tin bıyl Qytaıǵa saparlap kelýge shaqyr­dy. Telefon arqyly sóılesýge Qytaı jaǵy bas­tamashy boldy. Prezıdent poshtasynan Nursultan Nazarbaevtyń aty­na onyń Qazaqstan Respýblıkasynyń Prezıdenti bolyp saılanýyna baılanysty Germanııa Federaldyq kans­leri Angela Merkelden quttyq­taý jedelhaty kelip tústi, dep ha­barlady Prezıdenttiń baspa­sóz qyzmeti. Angela Merkel Nursultan Na­zar­baevty prezıdenttik saılaýdaǵy jeńi­simen shyn júrekten quttyqtaıtynyn jetkizgen. «Qazaqstan Germanııa úshin mańyzdy seriktes bolyp qala beredi. Siz elderimiz arasyndaǵy senimge qurylǵan seriktestik qarym-qatynastar aıasyn budan ári keńeıtý, sondaı-aq Qazaqstanda demokratııa, quqyqtyq memleket jáne azamattyq qoǵam qaǵıdattaryn nyǵaıtý isinde árdaıym Federaldyq úkimettiń qoldaýyna senim artýyńyzǵa bolady», – delingen jedelhatta. Sońynda A.Merkel Qazaqstan Prezıdentiniń qoıylǵan mindetterdi odan ári júzege asyrý baǵytyndaǵy jaýapty qyzmetine tabys tiledi. * * * Memleket basshysy Nursultan Nazarbaevtyń atyna onyń Qa­zaq­stan Respýblıkasynyń Prezıdenti bolyp saılanýyna baılanysty Fransııa Prezıdenti Fransýa Ol­landtan quttyqtaý jedelhaty kelip tústi, dep habarlady Pre­zıdenttiń baspasóz qyzmeti. Fransýa Olland Nursultan Nazar­baevty prezıdenttik saılaýdaǵy jeńi­simen quttyqtady. «Men Fransııa men Qazaqstan ara­syn­daǵy qarym-qatynastardyń deńgeıi joǵary ekenin atap ótkim keledi, bul meniń taıaýda Sizdiń elge jasaǵan saparymda aıqyn kórindi», – delingen jedelhatta. Fransııa Prezıdenti Qazaqstanmen yntymaqtastyqty eki eldiń ıgiligi úshin odan ári damytýǵa nıetti ekenin bildirdi. «Sizdiń turaqtylyqty jáne Ortalyq Azııa elderimen tatý kórshilik qarym-qatynasty qamtamasyz etýge, sondaı-aq óńirdiń áleýmettik-ekonomıkalyq ahýalyn jaqsartýǵa baǵyttalǵan kúsh-jigerińizdi Fransııanyń qoldaıtynyna sendirgim keledi», – delingen quttyqtaýda. F.Olland, sondaı-aq, Qazaqstan Pre­zıdentine eldi jańǵyrtý jáne demo­kratııalyq reformalardy júzege asyrý isinde tabys tiledi. * * * Memleket basshysy Nursultan Nazarbaevtyń atyna onyń Qa­zaqstan Respýblıkasynyń Prezı­denti bolyp saılanýyna baılanys­ty Ulybrıtanııa Premer-mınıstri Devıd Kemeronnan quttyqtaý jedelhaty kelip tústi, dep habarlady Prezıdenttiń baspasóz qyzmeti. Devıd Kemeron Nursultan Nazar­baevty prezıdenttik saılaýdaǵy jeńi­simen quttyqtady. «Ulybrıtanııa jáne Soltústik Ir­landııa Birikken Koroldigi Qazaqstannyń ekonomıkany ártaraptandyrýǵa, ornyq­ty damýǵa jáne eldi saıası jańǵyrtýǵa baǵyttalǵan kúsh-jigerin quptaıdy jáne qoldaıdy», – delingen jedelhatta. Ulybrıtanııa Premer-mınıstri Qazaqstanǵa 2013 jylǵy saparyn jyly sezimmen eske alatynyn atap ótken. «Biz Qazaqstanmen berik, ashyq jáne damý ústindegi ózara baılanystarymyzdy baǵalaımyz, sondaı-aq, ekijaqty kún tártibiniń keń aýqymy boıynsha budan da bekem qarym-qatynastar ornatýǵa beıildimiz», – delingen quttyqtaýda. * * * Memleket basshysy Nursultan Nazarbaevtyń atyna onyń Qazaq­stan Respýblıkasynyń Prezıdenti bolyp saılanýyna baılanysty Ýkraına Prezıdenti Petr Po­ro­shenkodan quttyqtaý jedelhaty kelip tústi, dep habarlady Pre­zıdenttiń baspasóz qyzmeti. Petr Poroshenko Nursultan Na­zar­baevty prezıdenttik saılaýdaǵy jeńi­simen quttyqtady. «Siz alǵan halyq seniminiń jańa man­daty Qazaqstannyń zamanaýı memle­kettiliginiń tabysty damýyna qosqan úlesińizdiń moıyndalǵanyn aıǵaqtaıdy», – delingen jedelhatta. Ýkraına Prezıdenti eline onyń tarıhynyń kúrdeli kezeńinde qoldaý kórsetkeni úshin Qazaqstan Prezıdentine rızashylyq bildirgen. «Birlesken kúsh-jigerimiz arqyly biz ekijaqty qarym-qatynasty jandandyryp, elderimiz arasyndaǵy kópqyrly yntymaqtastyq aıasyn keńeıtemiz degen senimdemin», – delingen quttyqtaýda. Sońynda P.Poroshenko Qazaqstan Prezıdentine myqty densaýlyq, baqýat­tylyq jáne jaýapty memlekettik qyz­me­tine jańa tabys, al dostas Qazaqstan hal­qyna beıbitshilik pen baq-bereke tiledi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Fınlıandııa Prezıdenti Saýlı Nıınıstıoden quttyqtaý jedelhaty kelip tústi, dep habarlady Prezıdenttiń baspasóz qyzmeti. Saýlı Nıınıstıo Nursultan Na­zar­baevty Prezıdent saılaýyndaǵy aıqyn jeńisimen quttyqtady. «Sizdi Qazaqstan Respýblıkasy Pre­zıdenti qyzmetine saılanýyńyzben rııasyz kóńilden quttyqtaýǵa maǵan ruqsat etińiz. Sonshalyq joǵary ári jaýapty qyzmetińizdiń odan ári tabysty bolýy­na tilektestigimdi  qabyl alyńyz», – delingen jedelhatta. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Iordanııa Koroli II Abdalla ıbn Hýseınnen quttyqtaý je­delhaty kelip tústi, dep habar­lady Prezıdenttiń baspasóz qyz­meti. II Abdalla ıbn Hýseın jeke óziniń jáne ıordan halqynyń atynan Nursultan Nazarbaevty Prezıdent saılaýyndaǵy jeńisimen quttyqtady. «Qazaqstanmen barlyq saladaǵy memleketaralyq qarym-qatynasymyzdy odan ári de óristetýge, sondaı-aq, dos­tas elderimizdiń múddesi jáne búkil musylman áleminiń ıgiligi úshin qaýip­sizdikti, turaqtylyq pen beıbitshilikti qamtamasyz etýdegi kúsh-jigerimizdi  arttyrýǵa degen umtylysymyzdy atap ótkim keledi», – delingen jedelhatta. Sońynda Iordanııa Koroli Nursultan Nazarbaevqa myqty densaýlyq tilep, dos­tas Qazaqstan halqynyń ilgerileýi men ósip-órkendeýine nıettestik bildirdi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Egıpet Prezıdenti Abdel Fattah as-Sısıden quttyqtaý jedelhaty kelip tústi, dep habarlady Prezıdenttiń baspasóz qyzmeti. Abdel Fattah as-Sısı Nur­sul­tan Nazarbaevty prezıdenttik saı­laý­daǵy jeńisimen shyn júrekten qut­tyq­taıtynyn jetkizgen. «Sizdiń qajyrly qyzmetińiz mem­leketti damytý men órkendetýge baǵyt­talǵan. Ekijaqty yntymaqtastyqty odan ári damytýǵa jáne eki el halqynyń ıgiligi úshin  dostyq, tarıhı baılanystarymyzdy keńeıtýge nıettestik bildirýge ruqsat etińiz», – delingen jedelhatta. Sońynda Egıpet Prezıdenti Nur­sultan Nazarbaevqa myqty densaýlyq, al Qazaqstan halqyna tatýlyq pen baq-bereke tiledi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Germanııa Prezıdenti Ioa­hım Gaýkten quttyqtaý je­­del­haty kelip tústi, dep habar­lady Prezıdenttiń baspasóz qyz­meti. Ioahım Gaýk Nursultan Nazarbaevty prezıdenttik saılaýdaǵy jeńisimen qut­tyqtady. «Sizge eldiń halyqaralyq arenadaǵy belsendi qyzmetine jáne quqyqtyq mem­leket pen demokratııa qaǵıdattaryn da­mytýǵa baılanysty aldaǵy maqsat­taryń­yzdy júzege asyrý jolynda tabys tileımin. Qazaqstannyń jáne búkil óńir­diń aldynda zor syn-qaterler tur. Ger­manııa bolashaqta da ekonomıka men qoǵamdy jańǵyrtý isinde Sizdiń eldiń aınymas seriktesi bolyp qala beretinine senimdi bolyńyz», – delingen jedelhatta. * * * Memleket basshysy Nursultan Nazarbaevtyń atyna onyń Qa­zaq­stan Respýblıkasynyń Prezıdenti bolyp saılanýyna baılanys­ty Qyrǵyz Respýblıkasynyń Pre­zı­denti Almazbek Atambaevtan qut­tyqtaý jedelhaty kelip tústi, dep habarlady Prezıdenttiń baspasóz qyzmeti. Almazbek Atambaev Elbasyn aıqyn jeńisimen quttyqtady jáne bul Nursultan Nazarbaevtyń Memleket basshysy laýazymyndaǵy eńbegin Qazaqstan halqy daýsyz moıyndaıtynyn taǵy da dáleldep, onyń eldi ornyqty damytýǵa jáne halyqaralyq arenadaǵy bedelin nyǵaıtýǵa baǵyttalǵan saıası-ekonomıkalyq reformalaryna degen joǵary senimdi kórsetetinin aıtqan. «Biz baýyrlastyq qarym-qatynas­tarymyzdy, Qazaqstan men Qyrǵyzstan arasyndaǵy odaqtastyq pen strategııalyq seriktestikti birlesken kúsh-jiger ar­qy­ly budan ári de jan-jaqty damyta bere­tinimizge senimdimin», – delingen jedelhatta. Sońynda A.Atambaev Nursultan Na­zarbaevqa myqty densaýlyq jáne jaýapty laýazymynda alǵa qoıǵan bar­lyq maqsattaryn júzege asyrýda tabys, al baýyrlas Qazaqstan halqyna tatýlyq pen baq-bereke tiledi. * * * Elbasy Nursultan Nazar­baev­tyń atyna onyń Qazaqstan Respýb­lıkasynyń Prezıdenti bolyp saılanýyna baılanysty Túrik­menstan Prezıdenti Gýrbangýly Berdymuhamedovten quttyqtaý jedelhaty kelip tústi, dep habarlady Prezıdenttiń baspasóz qyzmeti. Gýrbangýly Berdymuhamedov Nursultan Nazarbaevty ótken saılaý­daǵy jeńisimen quttyqtady. Túrikmenstan Prezıdenti eki eldiń jáne halyqtyń arasyndaǵy baýyrlastyq qarym-qatynasty odan ári de damytýǵa daıyn ekendigin bildirdi. G.Berdymuhamedov Qazaqstan Pre­zıdentine myqty densaýlyq, baqyt jáne respýblıka halqynyń ilgerileýi men damýy baǵytyndaǵy joǵary memlekettik qyzmetine tabys tiledi. * * * Memleket basshysy Nursultan Nazarbaevtyń atyna onyń Qazaq­stan Respýblıkasynyń Prezıdenti bolyp saılanýyna baılanysty Grýzııa Prezıdenti Georgıı Marg­velashvılıden quttyqtaý jedelhaty kelip tústi, dep habarlady Prezıdenttiń baspasóz qyzmeti. Georgıı Margvelashvılı Nur­sultan Nazarbaevty prezıdenttik saı­laý­daǵy jeńisimen shyn júrekten quttyq­taıtynyn jetkizgen. «Qazaqstan halqynyń birligi baı­qat­qan saılaýǵa qatysýdyń óte joǵary kór­setkishi halyq ıgiligi jolyndaǵy kóp­jyldyq qajyrly eńbegińizdi ǵana emes, eldi budan ári de jan-jaqty damytý úshin Siz qoıǵan maqsattardy da qaltqysyz qoldaýdyń kórinisi bolyp sanalady. Qazaqstan halqy Sizdiń dana saıasatker jáne memleket qaıratkeri retindegi baı tájirıbeńizdi eskere otyryp, tatýlyq, turaqtylyq úshin, azamattardyń jáne búkil respýblıkanyń budan arǵy baqýattylyǵy úshin tańdaý jasaǵany sózsiz», – delingen jedelhatta. Grýzııa Prezıdenti Qazaqstan-Grýzııa qarym-qatynasyn nyǵaıtýǵa baılanysty máseleler aldaǵy ýaqytta da Nursultan Nazarbaevtyń nazarynda bolaryna  úmittenetinin jetkizgen. Sońynda G.Margvelashvılı Qazaqstan Prezıdentine Qazaqstan halqynyń ıgiligi jolyndaǵy barlyq bastamalaryna tabys tiledi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Latvııa Respýb­lı­ka­synyń Prezıdenti Andrıs Ber­zınshten quttyqtaý jedelhaty kelip tústi, dep habarlady Pre­zıdenttiń baspasóz qyzmeti. Andrıs Berzınsh Nursultan Na­zarbaevty prezıdenttik saılaýdaǵy je­ńisimen shyn júrekten quttyqtaǵan. «Elderimizdiń ekijaqty qarym-qatynastaryn tereńdetýge Sizdiń qosyp otyrǵan jeke úlesińizdiń arqasynda Latvııa men Qazaqstannyń arasyndaǵy yntymaqtastyqtyń turaqty túrde damyp, nyǵaıyp kele jatqanyn aıtqym keledi. Qazaqstan men Eýropalyq odaq arasyndaǵy yntymaqtastyqtyń keńeıýi­ne joǵary baǵa berýge ruqsat etińiz. Latvııa óz tarapynan bul úderiske budan ári de belsendi yqpal etýge nıetti», – delingen jedelhatta. Latvııa Prezıdenti Qazaqstan Pre­zı­dentine myqty densaýlyq jáne jaýapty memlekettik laýazymynda tabys, al dos­tas Qazaqstan halqyna gúldený tilegen. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Mońǵolııa Prezıdenti Sahıagıın Elbegdorjdan qut­tyq­taý jedelhaty kelip tústi, dep habarlady Prezıdenttiń baspasóz qyzmeti. Sahıagıın Elbegdorj Nursultan Nazarbaevty Prezıdent saılaýyndaǵy aıqyn jeńisimen quttyqtady. «Sizben Mońǵolııa jáne Qazaqstan arasyndaǵy dástúrli dostyq qarym-qatynastar aıasyn odan ári keńeıtý isinde yntymaqtasatynymyzǵa qýanamyn», – delingen jedelhatta. Sońynda S.Elbegdorj Qazaqstan Prezıdentine densaýlyq, jumysyna tabys, al dostas Qazaqstan halqyna baq-bereke tiledi.