«Biz Sizge senemiz»

Qazaqstan Prezıdenti atyna shetel memleketteri men úkimetteri basshylarynan, halyqaralyq jáne memleketaralyq uıymdardan, eńbek ujymdarynan, má­­denıet, bilim jáne sport salasy ókil­­derinen quttyqtaý hattar legi jalǵasýda. Atap aıtqanda, Tatarstan Respýb­lıkasynyń Prezıdenti mindetin ýaqytsha atqarýshy R.Mınnıhanov saılaýdaǵy Nursultan Nazarbaevtyń jeńisi laıyqty ári mańyzdy ekenin atap ótken. «Álemge óziniń birligin, bılikke degen senimi men О́zińiz júrgizip otyr­ǵan «Nurly Jol» ekonomıkalyq saıa­satyna qoldaýyn kórsetken saılaý qory­tyndylary Sizdiń Elbasy retin­degi bedelińizdiń bıik ekenin taǵy da dáleldedi», – delingen jedelhatta. BUU-nyń Jenevadaǵy bólimshesiniń bas dırektory mindetin atqarýshy M.Mıoller Qazaqstan Prezıdentiniń jańa merzimge saılaýyn BUU bólim­shesi men bizdiń eldiń arasyndaǵy ynty­maqtastyqty jalǵastyrýǵa jáne keńeı­týge múmkindik jasaıtynyna toqtalǵan. Ispanııanyń burynǵy Premer-mınıstri H.Sapatero Nursultan Na­zarbaevty qaıta saılanýymen qut­tyqtap, eki el úkimetteriniń jemisti ynty­maqtastyǵyna toqtalǵan jáne elimizdiń gúldenýine tilektestik bildirgen. Lıtva Respýblıkasynyń burynǵy Premer-mınıstri, Latvııa Halyqtyq partııasynyń qurmetti tóraǵasy K.Prýnskene Qazaqstan Prezıdentiniń saılaýdaǵy jeńisi búkil halyqtyń shúbásiz jeńisi ekenin aıtady. «Siz óz elińizdiń ǵana emes, jaqyn memleketterdiń de tiregi ári turaq­tylyǵynyń kepili bolyp sanalasyz. Sizdiń kóregen saıasatker jáne Memleket basshysy retindegi baı tájirıbeńiz Qazaqstannyń múddesi úshin, onyń gúldenýi, sondaı-aq bizdiń elderimiz ben halyqtarymyzdyń arasyndaǵy dostyq jáne tatý kórshilik qarym-qatynastardy nyǵaıtý úshin budan ári de qyzmet ete be­­­retinine senimdimin», – dep jazady avtor. Dúnıejúzilik ekonomıkalyq fo­rým­nyń negizin qalaýshy ári tóraǵasy ­K.Shvab Qazaqstan Nursultan Nazar­baev­tyń basshylyǵymen óńirdiń beıbit­shi­ligi men gúldenýine mańyzdy úles qosyp jatqanyn atap ótken. «Basty maqsaty eldi damyǵan 30 memlekettiń qataryna qosý bolyp otyrǵan «Qazaqstan-2050» Stra­tegııa­sy­nyń mańyzdylyǵyn Dúnıe­júzilik ekono­mıkalyq forým men Qazaqstannyń arasyn­daǵy aldaǵy jyldardaǵy yntymaq­tastyqty ny­ǵaıtýǵa ázirlik turǵysynan atap ótkim keledi», – dep jazady avtor. ISESKO Bas dırektory Ábdel Ázız Át-Týeıdjrı Qazaqstan Prezıdentiniń basshylyǵymen elimiz ornyqty damý, gúldený jáne ál-aýqatyn arttyrý baǵytynda nyq júrip kele jatqanyn ataı otyryp, Nursultan Nazarbaevqa myqty densaýlyq jáne amandyq tiledi. Ispanııa depýtattar kongresiniń tóraǵasy H.Moreno Qazaqstan Prezı­dentiniń jańa mandaty eki el arasyndaǵy qarym-qatynasty odan ári nyǵaıtýǵa múmkindik týdyratynyn atap ótken. «Iobbık» partııasynyń jetekshisi G.Vona jáne partııanyń parlamenttik toby jetekshisiniń orynbasary M.Dıondıoshı Qazaqstannyń Ortalyq Azııa óńiriniń kóshbasshysy jáne halyqaralyq qoǵamdastyqtyń qurmetti múshesi bolyp qalyptasýy jolyndaǵy teńdessiz ilgerileýine toqtalǵan. «Biz Qazaqstannyń sońǵy jıyrma bes jyldaǵy tabysty damýy barlyq elder, sonyń ishinde Vengrııa úshin de úlgi kórsetip, barshaǵa paıdasy zor tájirıbe beretinine senimdimiz. Biz elderimiz álde­qaıda tyǵyzyraq qarym-qatynas órbitedi jáne Qazaqstan úshin de, Vengrııa úshin de kóptegen artyqshylyqtarǵa jetkizedi dep úmittenemiz», – delingen jedelhatta. «Enı» kompanııasynyń bas atqarýshy dırektory K.Deskalsı saılaý nátıjesi senim deńgeıiniń joǵarylyǵyn, Qazaqstan Prezıdentiniń dana basshylyǵymen júzege asyp jatqan Qazaqstannyń ishki jáne syrtqy saıasatyn halyq qoldaı­tynyn taǵy dáleldegenin atap ótken. «Bizdiń kompanııa óz qyzmetin 1992 jyldan beri Qazaqstanda júzege asyryp jatqan sheteldik iri ınvestor retinde eldiń ekonomıkalyq tabystaryna úlesin qosqanyn maqtan etedi. Sizdiń qoldaýyńyz arqyly yntymaqtastyǵymyz jalǵasatynyna jáne Qazaqstannyń ekonomıkalyq damýyna septigin tıgize­tinine senimdimiz», – delingen quttyqtaýda. «Consolidated Contractors International» kompanııasynyń ınjınırıng jáne qurylys jónindegi prezıdenti S.Hýrı óz quttyqtaýynda Memleket basshysynyń qýatty ári tabysty Qazaqstannyń ári qaraı gúldenýin qamtamasyz etýdegi negizgi rólin atap kórsetken. «Sizdiń jańǵyrý men memlekettilikke negizdelgen órshil reformalardy júzege asyrýǵa umtylysyńyz jurttyń keń qol­daýyna ıe bolǵany anyq, buǵan Sizge beril­gen daýystar sany dálel. Biz Sizdiń kósh­bas­shylyǵyńyzdy qoldaımyz. Biz Sizdiń uly elińizdiń bolashaǵyna qatysty kóz­qara­syńyzdy quptaımyz», – delingen hatta. Shanhaı yntymaqtastyq uıy­my­nyń О́ńirlik terrorızmge qarsy qury­lymynyń Atqarý komıtetiniń dırektory Ch.Sınfen daýys berý qorytyndylary Qazaqstan halqynyń Nursultan Nazar­baev júrgizip otyrǵan ishki jáne syrtqy saıasatty keńinen qoldaıtynyn, memleket pen qoǵamnyń ornyqty damýyn qamtamasyz etý isindegi eńbeginiń mo­ıyndalýyn, sondaı-aq eldiń álemdik qoǵamdastyqta laıyqty oryn alyp otyrǵanyn dáleldeıtinin atap aıtqan. Eýrazııalyq ekonomıkalyq komıssııa alqasynyń tóraǵasy V.Hrıstenko daýys berý qorytyndylary Qazaqstan azamattarynyń Memleket basshysyna, onyń qyzmetine jáne eldi budan ári damytý baǵytyndaǵy bastamalaryna degen seniminiń joǵary deńgeıin aıqyn kórsetkenin atap ótken. «Siz qoǵamdyq kelisimniń jemisti atmosferasyn qalyptastyryp, Qazaqstan turǵyndaryna erteńgi kúnge degen senim uıalatyp, el damýynyń strategııasyn jasaı aldyńyz. Sizdiń kópjyldyq tájirıbeńiz, joǵary kásibı deńgeıińiz ben sarqylmas qýatyńyz barshanyń shynaıy qurmetine laıyq bola aldy. Biz ózimizdiń kúndelikti jumysymyzda Sizdiń nazaryńyz ben qoldaýyńyzdy sezinemiz dep Sizdi sendire alamyz jáne alda da solaı bolady dep úmittenemiz», – delingen quttyqtaýda. Eýrazııalyq ekonomıkalyq komıs­sııasynyń energetıka jáne ınfra­qurylym jónindegi komıtetiniń múshesi (mınıstr) T.Mansurov Memleket basshysyn saılaýdaǵy aıqyn ári senimdi jeńisimen quttyqtaǵan. «Qazaqstan halqy Sizge – Elbasyna senimdi túrde daýys berdi, óıtkeni óziniń qazirgi jáne bolashaqtaǵy ıgiligin Sizdiń jasampaz qyzmetińizben baılanystyrady. Qazaqstandyqtar Sizdiń qýatty saıası erik-jigerińiz ben strategııalyq kóregendigińiz álemge Qazaqstannyń jáne halqymyzdyń jańa beınesin tanytqanyn maqtan etedi», – dep jazady T.Mansurov. Qazaqstan Prezıdentiniń atyna quttyqtaýlaryn Kásipodaqtardyń jalpyǵa ortaq konfederasııasy ókilderi de joldap, saılaý Memleket basshysy ustanyp kele jatqan baǵytqa degen senimin taǵy da bildirgen Qazaqstan halqynyń tarıhı tańdaýynyń aıshyqty da aıqyn aıǵaǵy bolǵanyn atap ótken. «TMD-daǵy kásipodaqtar qozǵalysy azamattardyń turmys deńgeıin arttyrý, eńbek adamdaryn áleýmettik qorǵaý, azamattyq qoǵamnyń mańyzdy ınstı­týty retinde kásipodaqtarmen teń quqyly dıalog órbitýdegi Sizdiń qamqor­lyǵyńyzdy joǵary baǵalaıdy. Sizdiń basshylyǵyńyzben Qazaqstan alda da dostyqty, memleketterdiń ózara tıimdi yntymaqtastyǵyn damytý, sondaı-aq jan-jaqty yqpaldastyqty tereńdetý isi boıynsha óńirde jáne álemde mańyzdy ról atqara beredi dep senemiz», – delingen quttyqtaýda. Eýrazııa medısınalyq odaǵynyń tóraǵasy A.Sarkısıan Qazaqstan halqy kórsetken joǵary senim Nursultan Nazarbaevtyń demokratııalyq turǵy­dan damyǵan jáne áleýmettik jaýapty memleket qurý, Ortalyq Azııada­ǵy turaqtylyqty saqtaý, halyq densaý­­­lyǵyn qorǵaý isindegi eńbeginiń moıyn­dalǵandyǵynyń belgisi ekenin aıtady. Memleketaralyq avıasııalyq komı­tet tóraıymy T.Anodına saılaýshy­lar­dyń biraýyzdy qoldaýy Nursultan Na­zarbaevtyń Memleket basshysy retin­degi joǵary qyzmetindegi eńbeginiń moıyn­dalýynyń dáleli ekenin atap ótken. «Sizdiń alysty kózdegen jáne ba­ıypty basshylyǵyńyzdyń arqasynda Qazaqstan Respýblıkasy halyqaralyq qoǵamdastyqtyń bedeldi múshesine aınalyp, qarqyndy damý ústindegi elder qatarynan laıyqty oryn aldy», – delingen jedelhatta. Qorǵan oblysynyń gýbernatory A.Kokorın Qorǵan oblysy úkimetiniń jáne jeke óziniń atynan Qazaqstan Prezıdentin saılaýdaǵy aıqyn, laıyq­ty jeńisimen shyn júrekten quttyq­taıtynyn jetkizgen. «Sizge Qazaqstanǵa jáne óz halqy­ńyzǵa qyzmet etý isinde budan ári de tabys jáne barlyq josparlar men bastamalaryńyzdyń tolyq júzege asý­yn, myqty densaýlyq, baqyt, amandyq tileımin», – delingen jedelhatta. Jyly lebizdi quttyqtaý Chelıabi oblysynyń gýbernatory V.Dýbro­v­skıı­den kelip tústi. «Kóp jyldar boıy Siz eldiń údemeli damýyn qamtamasyz ete otyryp, Qazaq­stannyń barsha halqynyń ıgiligi jolyn­daǵy aýqymdy mindetterdi udaıy tabys­pen atqaryp kelesiz. Reseı men baýyr­las Qazaqstandy baılanystyratyn tyǵyz, ózara tıimdi ekonomıkalyq jáne gýmanıtarlyq qarym-qatynas alda da damı beredi degen senimdemin», – dep jazady avtor. Sankt-Peterbýrg gýbernatory G.Pol­tavchenko búginde Qazaqstannyń qýatty, qarqyndy damyp kele jatqan memleket ári Reseı Federasııasynyń senimdi seriktesi ekenine nazar aýdarǵan. «Qazaqstan Respýblıkasymen ynty­maqtastyq Sankt-Peterbýrg úkimeti jumysynyń basymdyǵy bar baǵytynyń biri bolyp sanalady. Biz saýda-eko­no­­­mıka­lyq, ǵylymı-tehnıkalyq, mádenı jáne gýmanıtarlyq salalardaǵy qalyptasqan dostyq sıpatyndaǵy ári syndarly dıalogty joǵary baǵalaımyz. Peterbýrg bastamalaryna degen Sizdiń oń yqylasyńyz ben qoldaýyńyz birlesken jobalardy júzege asyrýda joǵary nátıjelerge jetýge kepildik beredi», – dep jazady avtor. Qyzylorda oblysynyń Baıqońyr qalalyq ákimshiliginiń basshysy mindetin atqarýshy A.Petrenko Nursultan Nazar­baevtyń kóregen ári syndarly saıasa­tynyń, qajyrly eńbekqorlyǵy men strate­gııalyq oılaý qabiletiniń arqasynda Qazaqstan jer júzindegi eń baqýatty jáne qarqyndy damýshy el bolyp sanalatynyn atap ótken. «Saılaý nátıjeleri otandas­ta­­­ry­­­­­­ńyzdyń Sizge degen seniminiń eń joǵary deńgeıin kórsetti. Siz kóp jyldar boıy eldiń memlekettik jáne saıası kóshbasshysy, jalpyadamzattyq qundylyqtardyń, beıbitshiliktiń, ­ha­lyqtar dostyǵy men shynaıy demo­kra­­tııanyń saqtaýshysy bolyp kelesiz. Baıqońyr turǵyndary Sizdiń qala­myz­ǵa degen qamqorlyǵyńyzdy joǵary baǵa­laıdy jáne erteńgi kúnge degen senimdi sezinedi», – dep atap ótilgen quttyqtaýda. «RJD» AAQ prezıdenti V.Iаkýnın Qazaqstan Prezıdentiniń Eýrazııalyq ekonomıkalyq odaq qurýǵa baǵyttalǵan júıeli saıasaty oǵan qatysýshy memle­ketterdiń yqpaldastyǵyn tereńdetý úshin shynaıy alań qalyptastyrýǵa múmkindik bergenin aıtqan. «Qazaqstandyqtar el basshylyǵyn Sizge taǵy da senip tapsyrdy. Bul –Sizdiń el Prezıdenti laýazymyndaǵy eńbegińizdiń daýsyz moıyndalýynyń aıǵaǵy. Qazaqstan Respýblıkasy buryn­ǵysynsha Reseıdiń senimdi seriktesi, tatý kórshisi jáne adal dosy bolyp qala­tynyna senimdimin», – dep jazady avtor. Keńes jáne Reseı joǵary oqý oryn­dary túlekteriniń Egıpet qaýym­das­tyǵynyń tóraǵasy Sh.Ged sońǵy jyldary Qazaqstan birqatar mańyzdy reformalar jasap, jańa elorda – Astanany salǵanyn, sondaı-aq jappaı qyryp-joıatyn qarýdy taratpaý salasynda mańyzy zor bastamalar kóterip kele jat­qanyn aıtady. Ol sondaı-aq Nursultan Nazarbaevtyń arqasynda Qazaqstannyń álemdegi damyǵan 30 eldiń qataryna qosylý maqsaty qazirdiń ózinde shynaıy sıpat ala bastaǵanyna toqtalǵan. Máskeý memlekettik halyqaralyq qatynastar ınstıtýtynyń rektory, RǴA akademıgi A.Torkýnov Nursultan Nazarbaevtyń dana basshylyǵymen Qazaqstan áleýmettik-ekonomıkalyq kórsetkishterin edáýir jaqsartyp qana qoımaı, ınnovasııalyq damý jolyna da batyl túskenine nazar aýdarǵan. «Saılaý nátıjesi Qazaqstan halqy ózgeristerdi oń baǵalaıtynyn, Sizge senim artatynyn jáne el tatýlyq, turaqtylyq jáne gúldený baǵytynda ilgerilep bara jatqanyna senimdi ekenin taǵy dáleldedi. Sizge Otanyńyzdyń ıgiligi jolyndaǵy qyzmetińizdiń jemisti bolýyn tileımin», – delingen jedelhatta. Máskeý drama teatrynyń jetekshisi A.Djıgarhanıan jyly lebizdi quttyq­taýyn joldady. «Siz – uly eldiń uly basshysysyz. Siz eń kúrdeli, kópqyrly mindetterdi eńsere alasyz. Sizdiń aınalańyzǵa adamdardy tartyp, dostaryńyzdyń, úzeńgilesterińiz ben pikirlesterińizdiń qataryn keńeıtetin jasampaz qýatyńyzdyń uzaq jyldar boıy saqtalýyn shyn júrekten tileımin», – dep jazady avtor. «Itar-Tass» RAA Bas dırektory S.Mıhaılov Nursultan Nazarbaevtyń baı ári jan-jaqty tájirıbesi, kásibıligi men basqarýshylyq mashyǵy Qazaqstandy damytý men gúldendirýge baǵyttalǵan jańa ıdeıalar men tıimdi sheshimderdi ómirge ákelýdiń kepili bolatynyna senimdilik bildirgen. Sondaı-aq, Kýrsk oblysynyń gýbernatory S.Mıhaılov, «Astanalar men iri qalalar halyqaralyq assambleıasynyń» prezıdenti mindetin atqarýshy, Orynbor qalasynyń basshysy Iý.Mısherıakov, RF Memlekettik Dýmasy Federaldyq jınalysynyń depýtaty, general B.Gro­mov, reseılik memleket qaıratkeri P.Borodın jáne Novosibir turǵyny N.Penzıýr óz quttyqtaýlary men tilekte­rin joldaǵan. M.V.Lomonosov atyndaǵy MMÝ Qazaqstandaǵy fılıalynyń dırektory A.Sıdorovıch Memleket basshysyn oqý orny ujymynyń atynan quttyqtap, onyń halyqaralyq arenadaǵy jáne búkil el azamattary aldyndaǵy bedeli bıik ekenin atap ótken. «Sizdiń bastamańyzdyń arqasynda MMÝ-dyń Qazaqstan fılıaly damyp, Sizdiń senimińizdi aqtap keledi. Biz Sizdi uıatqa qaldyrmaıtynymyzǵa jáne dana basshylyǵyńyzben jańa kezeńge aıaq basqan eldiń damýyna qosar úlesimizdi eseleı beretinimizge sendiremiz», – dep jazady avtor. Qazaqstan-Amerıka erkin ýnıver­sıtetiniń prezıdenti E.Mámbetqazıev qazaqstandyqtardyń Nursultan Na­zarbaevqa degen seniminiń aqtalǵan­dyǵyn aıta kelip, ujym atynan shyn júrekten shyqqan quttyqtaýyn jetkizgen. «Kópetnosty respýblıka halqynyń ıgiligi jolyndaǵy jasam­paz qyzmetińiz árqashan Siz úshin baqýat­tylyqtyń, uzaq ómirdiń, táýelsiz Qazaq­stannyń órkendeýindegi, halyqaralyq bedeliniń nyǵaıýyndaǵy budan arǵy jetistikterdiń sarqylmas qýat kózine aınala bersin», – delingen quttyqtaýda. Almatynyń «Qaırat» fýtzal klý­bynyń prezıdenti Q.Orazbekov óz quttyq­taýynda klýbtyń Eýropa arenasyndaǵy tabysy barsha otandastarǵa tamasha tartý bolaryna senim bildirgen. «Biz ÝEFA kýbogynyń aqtyq oıy­n­ynda katalondyq «Barselonadan» 3:2 esebimen basym túsken jeńisimizdi qýanyshty kóńilmen osy jalpyulttyq merekege arnaımyz», – delingen hatta. Naganoda ótken qysqy Olımpııa oıyndarynyń qola júldegeri L.Pro­kasheva Prezıdenttiń saılaýdaǵy kúmánsiz ári aıqyn jeńisi barsha qazaqstandyqtardyń tańdaǵan saıası baǵyttyń durystyǵyna degen tereń seniminiń jemisi ári búkil halyqtyq senimniń kórinisi ekenin atap ótken. «Biz memleketimizdi Siz bastap kele jatqan jolda eldiń kezekti saıası jáne ekonomıkalyq jeńisteriniń qatary tolyǵatynyna senemiz. Biz Sizge senemiz, Qazaqstanǵa senemiz, jarqyn bolashaǵymyzǵa senemiz», – delingen quttyqtaýda. О́z quttyqtaýlaryn Almaty kópir konstrýksııalary zaýytynyń ujymy da joldap, Nursultan Nazarbaevtyń basshylyǵymen ǵana eldiń kez kelgen qıyndyq pen aýyrtpalyqty eńsere alaryna, jańa bıikterge jeterine, sondaı-aq respýblıkanyń turaqtylyǵy men órkendeýin qamtamasyz eterine senim bildirgen. Almaty qalasynan «Kelet» AQ prezı­denti A.Papp árbir qazaqstandyq Nursultan Nazarbaevtyń basshylyǵymen táýelsizdik jyldarynda eldiń jetken tabystaryn laıyqty baǵalaıtynyna senim bildirgen. «Búgingi tańda bizdiń el tatýlyq pen kelisim, ózara qurmet pen toleranttylyq negizinde kópetnosty qoǵam qurýdyń biregeı úlgisi bolyp sanalady», – dep jazady avtor. «Kazenergokabel» AQ bas dırektory O.Krýk kásiporyn ujymy Nursultan Nazarbaevtyń jeńisi týraly habardy tereń qanaǵattanýshylyqpen jáne shynaıy qýanysh sezimimen qabyldaǵanyn atap ótken. «Sizdiń basshylyǵyńyzben egemen, ekonomıkalyq damyǵan memlekettiń qurylysy bizge taıaý on jylǵa qoıyl­ǵan bıik mindetterdi júzege asyrý úshin senimdilik pen kúsh-qýat beredi. Memleketimizde jasalǵan áleýmettik-ekonomıkalyq, quqyqtyq jaǵdaılardyń, ınvestısııalyq klımattyń arqasynda biz balalarymyzdyń bolashaǵy jarqyn bolatynyna, bıznesimiz ben eldiń gúldenetinine senimdimiz», – dep jazady avtor. Almatydaǵy «Aqsaı» NTK» JShS ujymy atynan alǵys bildirgen kásip­orynnyń bas dırektory O.Samarenko Qazaqstan Prezıdentiniń saılaýdaǵy daý­syz jeńisi barsha qazaqstandyqtar úshin ortaq jeńis bolǵanyna nazar aýdarady. «Saılaý el turǵyndarynyń teń­des­siz belsendiligin tanytty. Bul árbir qazaqstandyqtyń ózine degen memleket qamqorlyǵy men qoldaýyn sezi­netindiginiń aıshyqty aıǵaǵy bolyp sanalady. Siz tańdaǵan baǵyt elimizdi álemniń eń damyǵan jáne tabysty memleketteri deńgeıine jetkizerine senimdimiz», – delingen jedelhatta. Pavlodar oblysy Sharbaqty aýdanyndaǵy «Pobeda» JShS dırektory A.Polıakov Nursultan Nazarbaevtyń jeńisi táýelsiz Qazaqstannyń budan keıingi tarıhy úshin taǵdyrsheshti oqıǵaǵa aınalǵanyn atap ótken. «Sizdiń Qazaqstannyń bolashaǵyna qatysty boljamyńyzdyń durystyǵyn ómir kórsetip otyr. Elimiz shynynda da zamanaýı ári órkendeý ústindegi, halyqaralyq arenada bedeli bar memleketke aınaldy. Sizdiń dana bas­shy­lyǵyńyzben respýblıka zor ózgeristerdi júzege asyra alady. Búginde aýyl jur­tynda óz eliniń bolashaǵyna berik senim bar. Biz, aýylsharýashylyq taýaryn óndirýshiler, «Bıznestiń jol kartasy-2020» baǵdarlamasynyń tabys­ty oryndalýy úshin bar kúsh-jigerimizdi salamyz, – dep jazady avtor. О́z quttyqtaýynda S.Tereshenko Qazaqstan halqy senimdi dostyń jáne seriktestiń úlgisin tanytyp, Memleket basshysynyń sońynan erip kele jatqanyn, jalpyhalyqtyq daýys berý nátıjesi sony dáleldeıtin atap ótken. Túrki akademııasynyń prezıdenti D.Qydyráli Nursultan Nazarbaev túrki elderi yqpaldastyǵynyń basynda turǵanyn aıta kelip, densaýlyq pen baqýattylyq tilegen. Eńbek ardageri, Qaraǵandy qalasynyń qurmetti azamaty S.Dosmaǵambetov Pre­zıdent saılaýy Nursultan Nazar­baevtyń qandaı jalpyhalyqtyq súıispenshilikke jáne qoldaýǵa ıe ekenin búkil álemge kórsetkenin aıtady. Astanadan Rogalevter otbasy eldegi barlyq saıası jáne ekonomıkalyq ózgeris­ter tek Qazaqstan Prezıdentiniń esimimen baılanystyrylatynyna nazar aýdarǵan. «Siz basqarǵan jyldary Qazaqstan qýatty da qarqyndy damý ústindegi memleketke aınaldy. Siz memleketshilderdiń tutas bir shoǵyryn tárbıeledińiz, bizdi búkil álem biledi jáne qurmetteıdi, al eń bastysy – Siz kóp ultty Qazaqstan hal­qynyń tatýlyǵyn, tynyshtyǵyn jáne dostyǵyn saqtaı otyryp, ony jasam­pazdyq pen órkendeý jolymen bastap kelesiz», – delingen jedelhatta. Sondaı-aq, Nursultan Nazarbaevty Prezıdent saılaýyndaǵy aıqyn jeńisimen Qostanaı qalasynan Sosıalıstik Eńbek eri K.Dónenbaeva, Qazaqstannyń halyq ártisi S.Tynyshtyǵulova, M.Aıt­hojın atyndaǵy Molekýlıarlyq bıolo­gııa ıns­tı­týtynyń dırektory, aka­demık N.Aıt­hojına, Qyzyl jarty aı qoǵamy­nyń ­pre­zıdenti E.Arǵym­baev, Astana qalasynan professor D.Másimhanuly, Aqmola oblysy Stepnogor qalasyndaǵy halyqtyq hor ujymy, Astana qalasynan eńbek ardageri Z.Qadyrova, Almaty oblysy Kóksý ­aýdany Mámbet aýyly­nan Bıkeshevter otbasy, Pavlodar oblysynyń Qur­metti azamaty Á.Sar­qynshaqov, «Rys­­baeva jáne K» JShS dırektory S.Rys­baeva, Taraz qala­sy­nan ­R.Táttiǵulov, Jam­byl obly­sy­nan E.Nábı, Aqmola oblysy ­­Qos­shy aýylynyń turǵyny ­F.Ǵı­­­ba­dýlına, Ońtústik Qazaqstan ­oblysy Jeti­saı qalasynan A.Jolbarysov quttyqtady.

Sýretterdi túsirgen Erlan OMAROV.