Ulttyq mýzeı «Jibek jolynyń ortaq murasy» vırtýaldy kórmesinde óz kolleksııasynan on eksponat usyndy. Jobany IýNESKO-nyń Almatydaǵy О́ńirlik keńsesi júzege asyryp otyr.
Vırtýaldy kórme Google Arts & Culture platformasynda jarııalanǵan. Bul – álemdegi seriktes mádenı uıymdardyń óner týyndylary men mádenı artefaktileriniń joǵary sapadaǵy sýretteri men beıneleri bar Google basqaratyn onlaın platforma.
Qazirgi ýaqytta servıs ujymy keminde 80 eldegi 2 myńnan astam mádenı mekemelermen yntymaqtastyq ornatqan. Qoldanýshylar platformadan óner týyndylarynyń kóshirmelerin, sáýlet eskertkishteri men IýNESKO-nyń Búkilálemdik mura nysandary týraly málimetterdi taba alady. Sondaı-aq, saıtta búkil álemdegi mádenı mekemelerdiń muraǵattaryn kórýge múmkindik beretin sıfrlyq kórmeler bar.
«Jibek jolynyń ortaq murasy» vırtýaldy kórmesine Iran, Qazaqstan, Qyrǵyzstan, О́zbekstan, Tájikstan men Túrikmenstannyń ulttyq mýzeılerinen Jibek jolynyń mádenı murasyn sıpattaıtyn 60 kórnekti mýzeı jádigeri qoıylǵan.
Marjan QÝATQYZY,
jýrnalıst