Qazaqy tazylar kórmesi

Oblysta 50-ge jýyq qazaqy tazy bar kórinedi. Kórmege óńir­den olardyń 20-sy qatysty. Shymkenttik kınolog Nına Iаsızova aqtóbelik tazylardy jarys­tyryp kórdi. Dene bitimin, aıaq súıek­terin, tisin, tyrnaǵyn baıqap, qandary­nyń ta­zalyǵyna nazar aýdardy. Bar­lyq talapqa saı kelgen Tal­ǵat Er­ma­ǵan­betovtiń 3 jasar Lashy­ny kórme jeńim­pazy atandy. Bul tazy osy­ǵan deıin de eki márte oblys­tyq jarys­ta júldeger bolǵan eken. Ekin­shi, úshinshi oryndar­dy Qumaı jáne Aqtaban bó­listi. Kór­meni uıym­das­ty­rý­shylardyń málimdeýin­she, Aqtóbeniń qany taza 15 ıti Qa­zaq­­stan kınologtar odaǵy­nyń tirkeýine alynǵ­an. Bul birlestiktiń aldaǵy maqsaty – tazy sanyn kóbeıtý jáne tuq­ymyn asyldandy­rý, búkil­álem­dik kınologtar odaǵyna kirý. «Qan­­sonarda» qoǵamdyq birlestigi kúzge salym taǵy da tazy ósirýshilerdiń kórmesin ótkizbekshi. Satybaldy SÁÝIRBAI, «Egemen Qazaqstan». Aqtóbe oblysy.