Memleket basshysy Nursultan Nazarbaev Parlament Májilisiniń jalpy otyrysyna qatysty, dep habarlady Prezıdenttiń baspasóz qyzmeti.
Jıyn bastalmas buryn Parlament Májilisi bıýrosynyń otyrysy ótti, onda Parlament Májilisi komıtetteriniń tóraǵalary men Parlament Májilisi fraksııalarynyń jetekshileri sóz sóılep, Memleket basshysynyń sheshimine qoldaý bildirdi.
Qazaqstan Respýblıkasy Konstıtýsııasynyń 44-babyna sáıkes, Memleket basshysy Parlament Májilisiniń qaraýyna Qazaqstan Respýblıkasynyń Premer-Mınıstri laýazymyna K.Másimovtiń kandıdatýrasyn usyndy.
– Qazir biz jańa baǵdarlamany júzege asyrýǵa kirisip jatyrmyz. Maǵan merekelerden soń dereý jumysqa kirisetin komıssııany bekitý qajet. Istiń mán-jaıyn uǵynýǵa ýaqyt shyǵyndamas úshin, meniń oıymsha, bizge Úkimet jumysynyń sabaqtastyǵyn saqtaǵan jón. Kárim Másimovtiń qolynan keledi, onyń áleýeti, tıisti bilimi bar, biz oǵan júrgizilip jatqan jumysty ári qaraı jalǵastyrýdy senip tapsyra alamyz, – dedi Nursultan Nazarbaev.
Parlament Májilisiniń depýtattary Premer-Mınıstr laýazymyna K.Másimovtiń kandıdatýrasyn biraýyzdan maquldady.
О́z sózinde K.Másimov kórsetilgen senim úshin rızashylyq bildirip, qoıylǵan mindetterdi oryndaý úshin barlyq kúsh-jigeri men bilim-biligin jumsaıtynyn aıtty.