Sot Soltústik Qazaqstan oblysynyń burynǵy ákimi Samat Eskendirovti aldap-arbaý arqyly úleskerlerdiń jerlerin satyp jibergeni úshin shartty túrde 5 jylǵa bas bostandyǵynan aıyrdy, dep habarlaıdy Egemen.kz.
Is materıaldaryna sáıkes, Eskendirov jáne basqa tulǵa nesıe alý maqsatynda JShS qatysýshylarynyń kelisiminsiz jalǵan jınalys hattamalaryn daıyndap, kepilge Býrabaı aýdany turǵyndarynyń jer telimderin bergen.
Saldarynan Eskendirov bir top adammen aldyn ala sóz baılasý arqyly aýyl turǵyndarynyń shartty jer úlesterine quqyqty ıemdenip, jer ýchaskesine quqyqtardy kepilge qoıý jáne ıelikten aıyrý arqyly jábirlenýshilerge asa iri kólemde materıaldyq zalal keltirgen.
Eskendirovtiń kinási jábirlenýshilerdiń, kýálardyń, tárkilengen tólem tapsyrmalarynyń, saraptamanyń jáne táýelsiz aýdıtordyń qorytyndylarymen dáleldengen.
Sot jaza taǵaıyndaý kezinde qatań jazany talap etpegen jábirlenýshilerdiń pikirin eskergen.
Onyń ústine 2023 jyly sot aktileri JShS quryltaıshylary jınalysynyń sheshimi men quqyqtardy úshinshi tulǵalarǵa berý týraly kelisimniń kúshin joıdy. Demek, sotta qaralǵan is boıynsha jábirlenýshilerge jer telimi qaıtarylǵan.
Nátıjesinde sot Eskendirovti Qylmystyq kodekstiń 63-baby boıynsha 5 jylǵa bas bostandyǵynan aıyrdy.
Sot úkimi zańdy kúshine engen joq.