Syrtqy ister mınıstri Erlan Ydyrysov Qazaqstan halqy Assambleıasy qurylýynyń 20 jyldyǵyna oraı uıymdastyrylǵan konferensııaǵa qatysý úshin Astanaǵa kelgen EQYU-nyń Ulttyq azshylyqtar isteri jónindegi Joǵarǵy komıssary Astrıd Týrspen kezdesti.
Kezdesý barysynda taraptar Qazaqstan men EQYU Joǵarǵy komıssary keńsesi arasyndaǵy yntymaqtastyqtyń qazirgi ahýaly men bolashaǵyn talqylady.
E. Ydyrysov A.Týrs saparynyń taǵatty ári kópultty qoǵam qalyptastyrý isindegi elimizdiń jetistikteri týraly aqparatty «týra derektemeden» alýdaǵy jáne Qazaqstandaǵy EQYU Baǵdarlamalary keńsesiniń jobalyq qyzmetin belsendilendirýde jańa múmkindikter ashýdaǵy mańyzdylyǵyn atap ótti.
Syrtqy saıasat vedomstvosynyń basshysy Qazaqstan qarjy daǵdarysyna sátti qarsy turyp, básekege qabiletti 50 eldiń ekonomıkalary qataryna engenin jáne áleýmettik-ekonomıkalyq damýdyń erekshe úlgisin qalyptastyrǵanyn aıryqsha atap ótti. «Kúsh-jigerdiń nátıjesinde Qazaqstannyń 2050 jylǵa deıingi Damý strategııasynda aıqyndalǵan álemniń 30 damyǵan elderi qataryna enýdi maqsat etken «Nurly Jol» ekonomıkalyq baǵdarlamasyn iske qosý júzege asty», – dep kórsetti mınıstr.
E.Ydyrysov Qazaqstandaǵy taǵattylyq pen senim ahýaly elimizdiń basty brendine aınalǵanyn, áleýmettik-ekonomıkalyq damýdaǵy tabys eń aldymen Qazaqstandaǵy ultaralyq túsinistik pen konfessııaaralyq kelisimniń arqasynda iske asyp otyrǵanyn jáne bul kelisimge qoldaý kórsetý Qazaqstan Prezıdenti N.Á.Nazarbaevtyń syrtqy saıasatynyń mańyzdy basymdyǵy bolyp tabylatynyn atap ótti.
Mınıstrdiń aıtýynsha, Qazaqstan saıasatynyń ereksheligi onyń «taǵattylyq» uǵymyn «ózgelerge tózimdilik tanytý» retinde ǵana emes, ózgelerdi qurmetteý, ózara tatý ómir súrý barysynda bir-birinen úırený, rýhanı-mádenı baıýdy qamtıtyn «taǵattylyqtyń tartymdy úlgisi» retinde usynýynda bolyp otyr.
A.Týrs eldegi áleýmettik-ekonomıkalyq damýdy odan ári jalǵastyrý men jańartý sharalaryn, atap aıtqanda, bes ınstıtýttyq reforma men 100 naqty qadamnyń «Ult josparyn» júzege asyrý aıasyndaǵy is-qımylyn joǵary baǵalap, «ultaralyq qatynastar turaqtylyǵy men dostyq búgingi tańda EQYU úshin asa ózekti máselege aınalǵaly turǵanyn» atap kórsetti. Ol, sonymen qatar, ózara únqatysýdy halyqaralyq deńgeıde nyǵaıtý úshin taıaýda ótken Álemdik jáne dástúrli dinder kóshbasshylarynyń V seziniń mańyzdylyǵyn atap ótti.
Suhbattastar ózin jaqsy jaǵynan tanytqan Qazaqstandaǵy ultaralyq kelisim saıasatyn odan ári qoldaýdyń jáne osyndaı shetin máselede EQYU-men tájirıbe almasýdy nyǵaıtýdyń mańyzdylyǵyn kóldeneń tartty.
«Egemen-aqparat».