Qazaqstan halqy Assambleıasynyń 20 jyldyǵyna arnalǵan «Qazaqstan joly: Birlik. Patrıotızm. Reformalar»  halyqaralyq parlamenttik konferensııasynyń qorytyndy qujaty

Biz, Qazaqstan halqy Assambleıasynyń 20 jyldyǵyna arnalǵan halyqaralyq parlamenttik konferensııasynyń qaty­sý­shylary, «Qazaqstan joly: Birlik. Pat­rıotızm. Reformalar» taqyrybyn talqy­laı kele, Qazaqstannyń jáne Elbasy Nur­sultan Nazarbaevtyń polıetnostyq jáne polıkonfessııalyq qoǵamdy damytý, turaqtylyqty, qoǵamdyq kelisimdi já­ne ulttyq birlikti qamtamasyz etý jó­nin­degi halyqaralyq tájirıbege qosqan úlesi mańyzdy ekendigin atap ótemiz. Biz memleketterdiń ishki turaq­ty­ly­ǵynyń, olardyń tabysty damýy men qaýipsizdiginiń mańyzdy fak­to­ry retinde etnosaıası jáne etnoáleý­mettik kontekstegi qoǵamdyq kelisimniń halyq­aralyq máni artyp kele jatqandyǵyn ataımyz. Aımaqtyq qaýipsizdikti qamtamasyz etýdegi elimiz róliniń mańyzdylyǵyn moıyndaı otyryp, konferensııaǵa qa­ty­sýshylar Qazaqstannyń Shyǵys pen Batystyń órkenıetin jaqyndatýǵa, Eýrazııa keńistiginiń rýhanı jáne mádenı dástúrlerin biriktirýge degen umtylysyn joǵary baǵalaıdy. Pikirtalas barysynda Qazaqstannyń qoǵamdyq kelisim men ulttyq birlik modelin qalyptastyrýdaǵy tabysty tájirıbesi, sonymen birge, Qazaqstan halqy Assambleıasynyń memleket pen qoǵamnyń ózara is-qımylynyń biregeı ıns­tıtýty, turaqtylyq faktory, qoǵam­dyq kelisimniń myzǵymas negizi ári or­nyqty damýdyń kepili retindegi róli aıryqsha atalyp ótti. Qazaqstan táýelsizdik jyldary po­lı­etnostyq damýdyń strategııalyq resýrs­yna aınalǵan qaýipsiz jáne turaqty elge aınalǵandyǵyn qanaǵattanarlyqpen ataımyz. Qazaqstan halqy Assambleıasynyń tá­ji­rıbesi – qazaqstandyqtardyń beı­bit­shilik pen kelisimmen ómir súrýge, halyq­tyń tarıhyn, mádenıetin jáne dástúr­lerin saqtaı otyryp, ortaq bolashaq­ty qurýǵa degen qulshynysynyń jarqyn dáleli. Assambleıa jyly Nursultan Nazar­baevtyń kezekten tys prezıdenttik saılaýda erekshe jeńiske jetýi, «Nurly Jol» Jańa Ekonomıkalyq Saıasatyn, aıtýly ınstıtýttyq reformalardy já­ne Máńgilik El jalpyulttyq ıdeıasyn  jú­zege asyrýdy bastaý jylymen tuspa-tus kelýiniń tereń sımvoldyq máni bar. Konferensııaǵa qatysýshylar Qazaq­stannyń Eýrazııa keńistigindegi memlekettermen mádenı-gýmanıtarlyq ynty­maqtastyqty odan ári tereńdete túsýge nıetti ekendigin tolyǵymen maquldaı otyryp, beıbitshilik, meıirimdilik, dás­túrler kúshi jáne elderdi, halyqtardy damytýdaǵy jáne órkenıetter damý­yn­daǵy jańashyldyqtyń tabysyna degen ózderiniń jaqyn ekendigin bildiredi. Álem etnosaralyq shıelenisterge rýhanı bastaýdyń, beıbitshilikcúıgishtik pen qoǵamdyq kelisimniń tutastyǵyn qarsy qoıýy qajet. Biz Qazaqstannyń júıelilikpen jáne senimdilikpen damyp kele jatqan el retinde, ár túrli etnostar, mádenıetter jáne dinder toǵysqan jas ári kúshti memleket retinde, búgingi tańda únqatysý men yntymaqtastyqty qurýda ashyq alań ári senimdi áriptes retinde tanylyp otyrǵandyǵyn atap ótemiz. Biz, halyqaralyq parlamenttik kon­ferensııaǵa qatysýshylar, Qazaq­stan halqyn, Qazaqstan Respýb­lı­kasynyń Prezıdenti, Qazaqstan halqy As­sam­bleıasynyń Tóraǵasy N.Nazarbaevty  Qa­zaq­stan halqy Assambleıasynyń 20 jyl­dyǵymen quttyqtaımyz jáne Qazaqstan halqyna ósý men órkendeý tileımiz! Astana, 2015 jylǵy 16 maýsym