Úzdik stýdenttiń úmiti

Ibrahım E.Bóketov atyndaǵy Qara­ǵandy ýnıversıtetiniń fızıka-tehnı­kalyq fakýltetiniń 2-kýrsynda oqıdy. Ýnıversıtette júrgen ol ónerge de jaqyn. Dombyra oınaıdy. Kúı shertip, tebirenip óleń oqıdy.

Munymen qosa, Ibrahımniń ǵylym salasyndaǵy jetistikteri de jeterlik. Ol qazir jylý energetıkasy mamandyǵy boıynsha bili­min tereńdetip jatyr. Ázir­lep júrgen jobalary da osy ta­qy­ryp tóńireginde. Onyń jylý ınfraqurylymyn jetildirý maqsa­tynda jazǵan jobasy fakýltet deka­nynyń nazaryn aýdaryp, marapatyn alǵan.

– Ýnıversıtettegi tabystarym jeńiske jetýime kómektesti. Sport­pen shuǵyldanǵanym, ónerge de tala­symnyń bolǵany óz áserin berdi. Ǵylym jolynda kóp eńbek sińirip, elimiz úshin mańyzdy jańalyqtar men tyń jobalardy ázirlegim keledi. Ásirese ózim bilim alyp jatqan jylý energetıkasy salasynda kóp ózge­ris kerek. Sonyń jolynda alǵashqy qadamymdy bastadym. Bul marapat – maǵan berilgen jaýapkershilik. Úzdik stýdent ataný – erteńgi úzdik maman degen sóz dep te túsinemin. Sondyqtan barymdy salamyn, – deıdi úzdik stýdent.

«Qazaqstannyń 100 úzdik stý­denti» respýblıkalyq baıqaýyna oqý úl­ge­rimimen ǵana emes, sport, óner jáne qoǵamdyq jumystarda joǵary je­tistikterge jetken stýdent jas­tar qatysty. Bul baıqaýdyń bas­ty baǵyty ol – jastar arasynda ult­tyq qundylyqtar men jetistik­ter­di nasıhattaý. Sondaı-aq elimiz­degi stýdentterdiń bilim, tárbıe jáne tulǵalyq damýynyń joǵary sapasyn saqtaýǵa múmkindik beredi deıdi uıymdastyrýshylar.

Osylaısha oljaly oralǵan Ibra­hım Baýyrjanulyna úzdik stý­dent ataǵyn rastaıtyn kýálik, arnaıy statýetka, dıplom men tósbelgi tabystaldy.

Úzdik stýdenttiń úlken úmiti bar. Ol «óńirdegi jasyl energetıkanyń damýyna óz yqpalymdy tıgizsem, bul marapatqa laıyq bolǵanym», deıdi.

Qaraǵandy oblysy