Májilis depýtattary «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi ratıfıkasııalaý týraly» zań jobasyn maquldady, dep habarlaıdy Egemen.kz.
Depýtat Tatıana Savelevanyń habarlaýynsha, zań jobasy Úkimettiń 2024 jylǵy 18 qarashadaǵy qaýlysymen engizilgen. Kelisim 2024 jyldyń 11 qazanynda Astanada jasalǵan.
«Halyqaralyq Qaıta Qurý jáne Damý Bankinen Qazaqstan Respýblıkasyna 11 jyl óteý merzimimen 84,9 mlrd ıen kóleminde nesıe berildi. Nesıelik qarajattar josparly kezeńge arnalǵan respýblıkalyq bıýdjet tapshylyǵynyń bekitilgen kólemi sheginde el ekonomıkasynyń turaqtylyǵyn saqtaý úshin tartylady», dedi depýtat.
Buǵan deıin Azııa damý banki Qazaqstanǵa 15 jylǵa 52,3 mıllıard ıen nesıe beretinin habarlaǵan edik. Sonymen qatar, Qazaqstan Azııa ınfraqurylymdyq ınvestısııalar bankinen 15 jylǵa taǵy 52,7 mlrd ıen kóleminde nesıe almaqshy.