Petropavlda Ulttyq ulan akademııasynyń jańa kazarmasy paıdalanýǵa berildi. Onyń ashylýyna oblys ákimi Ǵaýez Nurmuhambetov, Ishki ister mınıstriniń orynbasary — Ulttyq ulannyń Bas qolbasshysy Ańsaǵan Baltabekov jáne IIM Ulttyq ulany «Ortalyq» óńirlik qolbasshylyǵynyń qolbasshysy Sákentaı Shekarbekov qatysty.
Bul kazarma kýrsanttardyń qyzmeti men ómirine qolaıly jaǵdaı jasap, olardyń oqýlary men mindetterin alańsyz atqarýyna jasalǵan qamqorlyq. Kazarma ishi jaryq, tynysy keń, barlyq turmystyq jaǵdaılar qarastyrylǵan. Jatyn bólmeler, jattyǵý zaldary men demalys bólmeleri eń joǵary standarttarǵa saı.
«Munyń bári ulan sarbazdarynyń jaýyngerlik daıyndyǵyn jáne rýhyn kóterýge baǵyttalǵan. Jańa kazarmanyń ashylýy – el azamattarynyń qaýipsizdigin qamtamasyz etetin kúsh qurylymdarynyń ınfraqurylymyn damytýdaǵy taǵy bir mańyzdy qadam» dep atap ótti óńir basshysy.
PETROPAVL