Ýkraınada artıllerııalyq atqylaý men áýe shabýyldary jıiliginiń artýyna baılanysty, qaýipsizdik maqsatynda Qazaqstan Respýblıkasynyń Ýkraınadaǵy Elshiligi Qazaqstan azamattaryna belsendi urys qımyldary júrgizilip jatqan jerlerge jaqyn ornalasqan aýmaqtardy qaldyrýdy nemese Ýkraınadan ketý múmkindigin qarastyrýdy usyndy, dep habarlaıdy Egemen.kz.
Elshilik barlyq azamattardy qaýipsizdik sharalaryn saqtaýǵa jáne resmı organdardyń usynystaryn oryndaýǵa shaqyrady.
«Ýkraınadan Qazaqstanǵa barý úshin Qazaqstan Respýblıkasynyń azamattary jer ústi baǵyttaryn: Polsha nemese Moldova arqyly - odan ári kommersııalyq áýe qatynasyn paıdalana alatynyn atap ótemiz. Polsha arqyly shyqqan jaǵdaıda Qazaqstan azamattarynda Shengen vızasy bolýy qajet. Moldovaǵa kirý úshin vıza qajet emes», delingen habarlamada.