Almaty oblysynda mal urlaý deregi azaımaı tur. Osy jyldyń on aıynda mal urlyǵy boıynsha 199 is tirkelgen, osy ýaqyt ishinde 331 jylqy qoldy bolǵan.
Jýyrda Jambyl aýdanynda polısııa qyzmetkerleri 12 bas jylqyny urlaý týraly rezonanstyq isti ashty. Oqıǵa 8 qarashada Aqdala aýylynda bolǵan. Sharýa qojalyǵynyń ıesi jalpy quny 10,6 mln teńgeni quraıtyn 12 bas jylqynyń urlanǵany týraly aryzdanǵan. Polısııa qylmystyq isti tirkep, dereý izdeýge kiristi.
«Jedel-izdestirý is-sharalary barysynda kúdikti ustaldy. Ol buryn sottalǵan jergilikti turǵyn bolyp shyqty. Jaýap alý kezinde ol óziniń kinásin tolyq moıyndady. Er adam ýaqytsha ustaý ızolıatoryna qamaldy. Qazirgi ýaqytta onyń basqa da osyndaı qylmystarǵa qatysy bar-joǵy tekserilip jatyr», dep habarlaıdy aýdandyq polısııa ókilderi.
Osyǵan uqsas mal urlaý oqıǵalary Ile jáne Eńbekshiqazaq aýdandarynda tirkeldi, onda barymtashylar bir jylqy men iri qara maldy urlap áketken. Krımınaldyq polısııa qyzmetkerleriniń úılesimdi jumysynyń arqasynda kúdiktiler ustaldy. Qylmystyq is qozǵalyp, tergeý júrgizilip jatyr.
Polısııa mal ıelerine saqtyq sharalaryn ustaný kerektigin eskertedi. Maldyń urlanýyna kóbinese ıeleriniń nemquraıdy qaraýy nemese ıesiz qaldyrýy sebep kórinedi. Tártip saqshylary azamattardy qaskúnemderdiń qurbany bolmas úshin maldaryn qaraýsyz qaldyrmaýǵa shaqyrady.
Almaty oblysy