2024 jyldyń 22 qarashasynda Úrjar aýylynda Baýyrjan Momyshuly atyndaǵy orta mekteptiń jeke qazandyǵynda jarylys bolǵan. Aldyn ala boljam boıynsha, apat jylý júıesindegi aınalym aqaýy saldarynan qazandyqtaǵy qysymnyń kóterilýinen bolǵan, dep habarlaıdy Egemen.kz.
Jarylys saldarynan qazandyqtyń shatyry 18 sharshy metr alańda jarty bóligi opyrylyp qalǵan. Oqıǵa ornynda TJD jáne jergilikti atqarýshy organdar jumys istep jatyr.
«1970 jylǵy jumysshy 2-3-dárejeli kúıik aldy. Zardap shekken adam aýdandyq aýrýhananyń hırýrgııa bólimine jatqyzyldy, qazir jaǵdaıy turaqty», delingen habarlamada.
Apatqa qaramastan 943 oqýshy men 117 muǵalimniń bilim berý prosesi toqtatylmaǵan. Rezervtik qazandyqtyń arqasynda mektep ǵımaratyna jylý berilip jatyr.
Demalys kúnderi jańa qazandyq ornatý josparlanǵany atap ótildi.