ASTANA. 30 sáýir. AQSh-tyń eks-prezıdenti Bıll Klınton mingen De Havilland Canada Dash 7 ushaǵy shuǵyl túrde Tanzanııa astanasynyń aeroportyna qondy. Sebebi, áýe kemesinde aqaý oryn alǵan. Bul týraly lenta.ru habarlady.
Ushaqtyń basqarý tetiginde aqaý paıda bolyp, ekıpaj músheleri atalǵan el astanasynyń aeroportyna qondy. Apattyń saldarynan zardap shekkender joq.
Aıta keteıik, Klıntonnyń áýe laıneri aqaýdy qalpyna keltirip bolǵan soń Tanzanııanyń soltústigindegi Manıar kóline bet aldy.
Jalpy, AQSh-tyń eks-prezıdenti Shyǵys Afrıkaǵa sapar jasap, ondaǵy Klınton qory qarjylandyratyn aýylsharýashylyq, bilim jáne densaýlyq salalary men jabaıy tabıǵatty saqtaý máselesin jaıynda tanyspaq. Sondaı-aq, Bıll Klınton qyzy ekeýi Kenııa, Lıberııa jáne Marokko elderine aıaldaýdy josparlap otyr.
Talǵat Raıymbek.
Derek, sýret: lenta. ru.