Quramynda Elmır Álimjanov, Rýslan Qurbanov, Erlik Sertaı, Vadım Sharlaımov syndy semserlesýshileri bar Qazaqstan komandasy Halyqaralyq semserlesý federasııasynyń (FIE) jańartylǵan reıtınginde tórtinshi orynǵa kóterildi. Bul – sporttyń osy túrinde jerlesterimiz úshin buryn-sońdy bolmaǵan kórsetkish.
Búgin Qytaıdyń Makaosynda UFC Fight Night týrnıri ótedi. Negizgi jarysta Qytaıdyń qazaǵy Maqsat Qaısar (10-3) brazılııalyq Nıkolas Mottamen (14-5) kúsh synasady. Al Qytaıda dúnıege kelgen taǵy bir qandasymyz Baǵlan Jeńisuly (18-5) irikteý synynda ońtústikkoreıalyq Sý Ion Iýgenmen (13-3) sheberlik baıqasady. Osy jekpe-jekte jeńiske jetken faıter álemdegi eń beldi promoýshende óner kórsetý quqyǵyna ıe bolady.
Japonııanyń Naganosynda konkımen júgirýden Álem kýboginiń kezeńdik saıysy bastaldy. Bul jarysta Nadejda Morozova, Krıstına Shýmekova, Krıstına Sılaeva, Inessa Shýmekova, Margarıta Galıeva, Alına Shýmekova, Darıa Vajenına, Marııa Degen, Vıtalıı Shıgolev, Nuráli Aqjol, Baqdáýlet Saǵatov, Roman Bınazarov, Evgenıı Koshkın, Altaı Járdembekuly, Nıkıta Vajenın, Vadım Iаkýbovskıı baq synaıdy.
Qazaqtyń ataqty boksshysy, álem jáne Azııanyń eki dúrkin chempıony, Dúnıejúzilik áskerıler oıyndarynyń jeńimpazy Temirtas Júsipov 12 jeltoqsanda Bahreınde ótetin «IBA Chempıondar túni» dodasyna qatysady. Asa jeńil salmaqta kúsh synasyp júrgen 36 jastaǵy ardager sportshynyń qarsylasy áli anyqtalǵan joq.
Áıgili Goal.com saıty fýtboldan 2026 jyly ótetin álem chempıonatynyń favorıtterin anyqtady. Bas júldeden basty úmitkerler tizimin Ispanııa quramasy bastap tur. Úzdikter kóshinde Argentına, Germanııa, Anglııa, Fransııa bar. Sondaı-aq Portýgalııa, Italııa, Nıderland, Kolýmbııa, Brazılııanyń da áleýetteri joǵary baǵalanady.
Ispanııanyń Malaga qalasynda uıymdastyrylǵan Devıs kýboginiń jartylaı fınalyna shyqqan komandalar tolyqtaı anyqtaldy. Bul mejede Italııa men Aýstralııa, Germanııa men Nıderland tennısshileri ózara kúsh synasady.