Erlan Qoshanovtyń tóraǵalyǵymen Májilis bıýrosy ótip, aldaǵy jalpy otyrystyń kún tártibi naqtylandy.
Depýtattar Qazaqstan Respýblıkasy Sý kodeksiniń jobasyn jáne sý resýrstaryn qorǵaý men paıdalaný máseleleri boıynsha ilespe túzetýlerdi birinshi oqylymda qaraıdy.
Qujat Memleket basshysynyń tapsyrmasyna sáıkes klımattyń ózgerýi men kórshiles memleketterdiń saıasatyn eskere otyryp, sý zańnamasyn jetildirý maqsatymen ázirlengen. Qoldanystaǵy kodeks 2003 jyly qabyldanyp, negizinen sýdy paıdalanýǵa baǵyttalǵan edi.
Kodeks jobasynyń negizgi erejeleri elimizdiń sý áleýetin saqtaý jáne ony tıimdi paıdalaný úshin sý resýrstaryn qorǵaýdyń basymdyǵyn qamtamasyz etedi. Sýdy paıdalaný lımıtterin anyqtaý tetigi qaıta qaraldy. Ol ekologııalyq aǵyndy sýdy anyqtaǵannan keıin qalǵan sýdyń kólemi sheginde esepteledi. Sonymen qatar ekonomıka salalaryn qaıta paıdalanatyn, aınalymdy sýmen jabdyqtaý boıynsha jańa norma, sondaı-aq balama sý kózderin (qar sýy, tasqyn sý, tazartylǵan sarqyndy sý) jınaqtaý jáne paıdalaný salasynda jańashyldyqtar engizilip jatyr.
Ilespe zań jobasynda 5 kodeks pen 9 zańǵa ózgerister men tolyqtyrýlar engiziledi.
Buǵan qosa depýtattar halyqaralyq kelisimderdi ratıfıkasııalaýǵa qatysty birqatar zań jobasyn qarap, jumysqa alady.