Ishki ister mınıstrligi pesh pen elektr jylytqyshtaryn durys paıdalanbaýǵa baılanysty qaıǵyly oqıǵalar jıileı bastaǵan soń, azamattardy qaýipsizdik sharalaryn qatań saqtaýǵa shaqyrdy, dep habarlaıdy Egemen.kz.
«Jylytý peshiniń jaǵdaıyn tekserińiz. Eger qandaı da bir zaqym nemese aqaýlar anyqtalsa, olardy dereý joıý úshin sharalar qoldanyńyz.Balalardy úıde jalǵyz qaldyrmańyz. Esińizde bolsyn, balalar qaýipti jaǵdaıdy durys baǵalaı jáne týyndaǵan máselelerdi óz betinshe sheshe almaıdy.Elektr quraldaryn qaraýsyz qosýly qaldyrmańyz. Tipti olardy az ýaqytqa baqylaýsyz qaldyrý órttiń shyǵýyna ákep soǵýy múmkin», delingen habarlamada.
Aıta keteıik, osyndaı qaterdiń zalalynan Qostanaı oblysynda bir jaǵdaıda bes bala, ekinshisinde tórt adam qaza tapqan. Al Aqmola oblysynda úsh adam opat bolǵan edi.