*«QazAgro» holdıngi AО́K sýbektilerin qarjylandyrý kólemin saqtap qalady. Onyń jalpy somasy 200 mlrd. teńgeden asady. Aýyl sharýashylyǵy mınıstri Asyljan Mamytbekovtiń sózine qaraǵanda, «Agrobıznes-2020» baǵdarlamasy aıasynda paıyzdyq mólsherlemeni sýbsıdııalaý agroónerkásiptik keshendi damytýǵa baǵyttalǵan bıýdjet shyǵyndarynyń tıimdiligin arttyrady.
*Elimizdegi kóktemgi dala jumystary úshin 60 mlrd. teńge bólinedi. Bul – byltyrǵy jylǵydan 20 mlrd. teńge artyq. Aýyl sharýashylyǵy vıse-mınıstri Saparhan Omarovtyń aıtýynsha, sharýalardy qarjylandyrý úshin bıýdjettik nesıe bólý isi de josparlanyp otyr.
*Áýejaılardyń ınfraqurylymyn damytýǵa 100 mlrd. teńge ınvestısııa tartylady. Airoport Management Group JShS bas dırektory Klod Banan Astanadaǵy halyqaralyq áýejaıda jańa jolaýshylar termınaly salynatynyn málimdedi. Aıta keteıik, AMG kompanııasy áýejaılardy ońtaılandyrý jáne áýe aktıvterin basqarý maqsatynda qyzmet kórsetedi.
*Astana – medısınalyq týrızm boıynsha Ortalyq Azııadaǵy jetekshi qalalardyń biri. Densaýlyq saqtaý jáne áleýmettik damý mınıstrliginiń baspasóz qyzmetiniń habarlaǵanyndaı, 2011-2014 jyldary aralyǵynda elordadaǵy Ulttyq medısınalyq holdıng klınıkalarynda jáne Ulttyq ǵylymı medısınalyq ortalyqta álemniń 30-dan astam eliniń 4 799 azamatyna dárigerlik kómek kórsetilgen.
*Ońtústik Qazaqstanda balamaly energetıka boıynsha 28 joba iske asyrylyp jatyr. Oblystyq ákimdiktiń baspasóz qyzmeti atap kórsetkendeı, byltyr óńirde balamaly energııa kózderi baǵytynda jalpy qýattylyǵy 753 mVt bolatyn 3 joba qatarǵa qosylǵan. Sondaı-aq, aımaqta bilim, densaýlyq saqtaý, aýyl sharýashylyǵy, turǵyn úı jáne kommýnaldyq sharýashylyq, kólik jáne ekologııa salalaryn qamtıtyn 21 ınnovasııalyq joba qolǵa alynyp otyr.
*Qyzylordada balyq sharýashylyǵyn damytýdyń 2015-2017 jyldarǵa arnalǵan jol kartasy bekitildi. Oblys ákimdiginiń baspasóz qyzmeti málim etkendeı, aımaqta sońǵy jyldary balyq ónimderi eksportynyń kólemi artyp keledi. Máselen, 2014 jyly quny 3,1 mln. AQSh dollary bolatyn 500 tonnadan astam balyq ónimderi Grýzııa, Danııa, Polsha, Avstrııa jáne Germanııa memleketterine jóneltildi.
*Aqmola óńirinde ótken jyly 295,2 mlrd. teńgeniń ónimi óndirildi. Oblys ákimdigi baspasóz qyzmetiniń dereginshe, byltyr aımaq ekonomıkasynyń damýyna 181,1 mlrd. teńge ınvestısııa tartylǵan.
*Atyraý oblysynyń damýyna «Teńizshevroıl» JShS zor úlesin qosyp keledi. Qurylymnyń bas dırektory Tım Mıller búginge deıin óńirdegi áleýmettik jobalardy júzege asyrýǵa kompanııa tarapynan 930 mln. AQSh dollarynan astam ınvestısııa salynǵanyn jetkizdi. Sondaı-aq, ol jergilikti halyqpen jemisti yntymaqtastyq arqasynda osy kórsetkishtiń áli de óse túsetinine senim bildirdi.
Habarlar Úkimet, oblystyq ákimdikter saıttary, «QazAqparat» agenttigi jáne «24kz» telearnacynyń derekteri boıynsha daıyndaldy.