Ekinshi dúnıejúzilik soǵysynyń maıdangeri jáne eńbek ardageri, Almatynyń Medeý aýdanynyń qurmetti turǵyny Vıktor Karpovıch Izıýmnıkov óziniń 100-ge tolǵan týǵan kúnin atap ótti, dep habarlaıdy Egemen.kz.
Ardagerge Qorǵanys mınıstri general-polkovnık Rýslan Jaqsylyqov pen Almaty óńirlik garnızonynyń bastyǵy general-maıor Almaz Jumakeevtiń atynan quttyqtaý jetkizilip, estelik syılyqtar tabystaldy.
Qorǵanys mınıstrliginiń baspasóz qyzmeti málimdegendeı, Vıktor Izıýmnıkov 1924 jyly Oral oblysy, Zelenov aýdany, Chernoıarov eldim mekeninde dúnıege kelgen. 1942 jyly maıdanǵa shaqyrtylyp, Lenıngrad áskerı baılanys ýchılıshesine (sol kezde Oralǵa kóshirilgen) alynady. Oqýdy aıaqtamastan 1943 jyly maýsymda bir top kýrsant áýe-desanty áskerlerine jiberiledi.
Vıktor Karpovıch – Qazaqstannyń eńbek sińirgen agronomy, ekonomıka ǵylymdarynyń kandıdaty, eki ret Joǵarǵy Keńestiń depýtaty bolyp saılanǵan. Qazaqstan Kompartııasy OK múshesi, Qazaqstan Mınıstrler Keńesiniń is basqarýshysy boldy.
«Vıktor Karpovıch - qazir Almatyda turatyn áýe-desanty áskerleriniń jalǵyz ardageri. Biz úshin qurmetti aqsaqal batyldyqtyń, tabandylyqtyń jáne áskerı boryshqa adaldyqtyń naǵyz úlgisi bolyp sanalady», dep atap ótti Desanttyq-shabýyldaý áskerleri qolbasshysynyń orynbasary polkovnık Radjan Janysov.