Palata Spıkeri Qabıbolla Jaqypovtyń tóraǵalyǵymen Májilis Bıýrosy ótip, jalpy otyrystyń kún tártibi naqtylandy, dep habarlady Májilistiń baspasóz qyzmeti.
Depýtattar qaraýyna О́zbekstan memleketimen Adamdardyń readmıssııasy týraly kelisimdi jáne iske asyrý tártibi týraly atqarý hattamasyn, sondaı-aq, Qazaqstan Respýblıkasy men Halyqaralyq Qaıta qurý jáne Damý banki arasyndaǵy «Qazaqstanda energııa tıimdiligin arttyrý» jobasy boıynsha grant týraly kelisimdi, sonymen qatar, Halyqaralyq valıýta qory kelisiminiń baptaryna túzetýlerdi ratıfıkasııalaýǵa qatysty úsh birdeı ratıfıkasııalyq qujat engizilmek.
Al, palataǵa Qazaqstan Respýblıkasynyń Úkimeti men Vetnam Sosıalıstik Respýblıkasynyń Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý, Táýelsiz Memleketter Dostastyǵyna qatysýshy memleketterdiń ıntegrasııalanǵan valıýta naryǵyn uıymdastyrý salasyndaǵy yntymaqtastyq týraly kelisimderdi ratıfıkasııalaýǵa baılanysty qorytyndy ázirleý merzimin taǵaıyndaý usynylyp otyr.