Jas izdenýshiler kongresi

Kongreste Ǵylym jáne joǵary bilim vıse-mınıstri Darhan Ahmed-Zakı Memlekettik keńesshi Erlan Qarınniń, mınıstr Saıasat Nurbektiń quttyqtaýyn oqyp berdi. Al Parlament Májilisiniń depýtaty Juldyz Súleımenova Senat, Májilis tóraǵalarynyń quttyqtaýyn jetkizip, jyly le­bizin bildirdi. Búginde bilim men ǵylymnyń astanasyna aınalǵan Almaty qalasy ákiminiń orynbasary Azamat Qaldybekov jas zııat­kerlerge úlken senim artyp, osy baǵytta jigerlene jumys isteýge shaqyrdy.

Jas ǵalymdar keńesiniń tór­aǵasy, PhD Maqsat Jabaǵın atalǵan keńestiń atqarǵan jumysy jaıynda baıandady. Jarǵyǵa sáıkes jas ǵalymdar keńesiniń jumysyn Pre­zıdıým basqarady. Oǵan Prezıdent janyndaǵy Ulttyq quryltaı jáne Ǵylym jáne tehnıka jónindegi ult­tyq keńestiń músheleri, respýb­lıkadaǵy jas ǵalymdar uıym­da­rynyń tóraǵalary, Ulttyq ǵy­ly­­mı keńes músheleri, joǵary oqý oryndary, ǵylymı-zertteý ınstıtýttary jas ǵalymdary keńesteriniń tóraǵalary, bedeldi jas ǵalymdar engen. Munyń ózi elimizdegi ǵylymdy damytýǵa jastardyń belsendi kiriskendigin aıǵaqtaıdy.

Qazirgi tańda Prezıdent pár­menimen jańa mártebege ıe bol­ǵan akademııa damý baǵytyn anyq­tap, ǵylymı zertteýlerdiń basym baǵyttaryn anyq­taý, aqpa­rattyq-taldamalyq súıemeldeý, ǵylymı áleýettiń jaı-kúıin baǵa­laý, ǵylymı zertteýlerdi iske asyrýdyń úzdik halyqaralyq táji­rı­­besin engizý, pánaralyq ǵylymı-tehnı­kalyq baǵdar­lamalardy ázirleý, ǵylymı syılyqtar men stı­pendııalar berý boıynsha ko­n­kýrstardy uıym­dastyrý baǵy­tyn­daǵy qanatqaqty jobalardy iske asyryp keledi.

«Akademııada Jas ǵalymdar keńesi­niń qurylýy – júzege asqan irgeli bas­tamalardyń biri boldy. Ulttyq Ǵylym akademııasy­nyń quramynda osyndaı organ alǵash ret qurylyp otyr. Keńes jumysy arqyly jas ǵalymdar eldegi ǵylymdy damytý boıynsha basty sheshimderdi daıyndaýǵa syndarly túrde qatysa oty­ryp, óz pikirlerin joǵary deńgeıde jetkizýge tolyǵymen múmkindik aldy. Jas ǵalymdar keńesi jaqynda qurylǵanyna qaramastan, ǵylymı ortany jaqsartý boıyn­sha birneshe ret mańyzdy usynys jasap, sátti qorǵap shyqty. Talantty jas­tar akademııada júzege asyp jatqan basta­malarǵa aıtarlyqtaı úles qosyp keledi. Aqmola, Jambyl, Shyǵys Qazaqstan jáne Qaraǵandy oblystarynda akademııa prezıdıýmynyń kóshpeli otyrysy barysynda «Qýatty ǵylym – qýatty óńir» bastamasy iske qosylyp, óńirlik fılıaldary quryldy. Otandyq ǵylymnyń naqty jaı-kúıin baǵalaý úshin akademııa janynan taldaý ortalyǵy jumysyn bas­tady», dedi UǴA Basqarma prezıdenti, akademık Aqylbek Kúrishbaev.

Halyqaralyq yntymaqtas­tyqty keńeı­tý, jas ǵalymdar dıasporasynyń jumy­syn damytý maqsatynda AQSh, Qy­taı, Reseı, Túrkııa elderiniń  jáne Eýropa men TMD-nyń birqatar memleketteriniń ǵylym akade­mııalarymen baılanys ornady. Osy­ǵan baılanysty Ulttyq ǵylym aka­demııasynda Qazaq-Nemis ǵyly­mı-zertteý yntymaqtastyq orta­lyǵy jáne Qazaqstan-Qytaı ǵyly­mı-tehnıkalyq ınnovasııalyq ortalyǵy ashylyp, forsaıttyq zertteýler boıynsha Qazaqstan-Koreıa ǵylymı-teh­nıkalyq ınno­vasııalyq ortalyǵyn qurý boıyn­sha kelissózder júrip jatyr. Eý­ro­palyq ıadrolyq zertteýler ortaly­ǵy­nyń (SERN) ókildigi de jumysyn bastamaqshy.

Bıyl alǵash ret Ǵylym jónin­degi Ulttyq baıandama mazmunyna «Qazaq­stannyń jas ǵalymdarynyń jetistikteri» bólimi endi. Aldaǵy ýaqytta bólim jas ǵalymdardyń kásibı múmkindikterin keńeıtý, talantty jastardy ǵylymǵa tartýǵa yqpal etetin bolady.

ALMATY