AQTAÝ. 17 maýsym. Aqtaý áýejaıynda jolaýshylar ushaǵy órtendi. Bul týraly egemen.kz tilshisi habarlady.
SCAT kompanııasyna tıisti jolaýshylar ushaǵy Astana qalasynan Aqtaý áýejaıyna kelip qonǵan. Kestege saı ushyp, ýaqytynda qonǵan ushaqtan eshqandaı tehnıkalyq aqaýlar baıqalmaǵan. Mamandardyń boljamynsha, órt ushaq bortyndaǵy kıslorod ballonynyń jarylý sebebinen paıda bolǵan.
«Jolaýshylar ushaqtan kestege saı túsirilgen soń, bortta tehnıkalyq qyzmet kórsetý jumystary bastaldy. Osy kezde salonda órt tutandy. Avıakompanııa tilsiz jaýdyń shyǵý sebebin anyqtaıtyn bolady», – deıdi kompanııanyń jurtshylyqpen baılanys bóliminiń ókili V.Ýlıanova.
Ushý jolaǵynda turǵan ushaq «Mıneralnaıa voda» baǵytynda saparǵa shyǵýy tıis bolatyn.
Gúlaıym Shyntemirqyzy.
Derek: egemen.kz.
Sýret: lada.kz.