Qazaqstan delegasııasy Úndistanda ótip jatqan Eýrazııalyq toptyń qylmystyq kiristerdi zańdastyrý jáne terrorızmdi qarjylandyrýǵa qarsy kúres jónindegi (EAT) plenarlyq aptalyǵyna qatysyp jatyr. Bul shara uıymnyń 20 jyldyǵyna oraılastyrylǵan, dep habarlaıdy Egemen.kz QMA baspasóz qyzmetine silteme jasap.
Is-sharaǵa EAT múshe-memleketterdiń, baqylaýshy memleketter men uıymdardyń, shaqyrylǵan memleketter men jeke sektordyń delegattary qatysyp jatyr.
Sonymen qatar, Qazaqstan delegasııasy Qarjylyq barlaý bólimsheleri basshylary keńesiniń otyrysyna qatysty (QBBBK). Aıta keteıik, QBBBK múshe elderdiń qarjylyq qylmystarǵa qarsy kúrestegi is qımylyn úılestiredi.
2024 jyly Keńes birneshe mańyzdy bastamalardy júzege asyrdy:
Aımaqta aqshany jylystatý jáne terrorızmdi qarjylandyrý táýekelderin azaıtý boıynsha usynystar ázirlendi; Elder arasynda aqparat almasý rásimderi jaqsartyldy; Táýekelderdi baǵalaý úshin halyqaralyq ortalyq qurý boıynsha jumys bastaldy; Jastardy qylmysqa tartýǵa qarsy kúres sharalary talqylandy.Sonymen qatar, Keńes ulttyq júıelerge halyqaralyq standarttardy engizýge kómektesedi jáne uıymǵa múshe elderdi ózara baǵalaý kezinde reıtıngterin jaqsartýǵa qoldaý kórsetedi.