Elorda tórinde ornalasqan Ulttyq arhıvte Mádenıet jáne aqparat mınıstrliginiń uıymdastyrýymen «Arhıv-2025: nátıjeler men máseleler» atty respýblıkalyq ǵylymı-tájirıbelik konferensııa ótti.
Basqosýǵa atalmysh vedomestvo ókilderi, respýblıkalyq jáne óńirlik memlekettik arhıvterdiń qyzmetkerleri, maman tarıhshylar qatysyp, is-shara barysynda «Arhıv-2025» jobasy aıasynda shetelderdegi elimiz tarıhyna qatysty qujattardy anyqtaý, kóshirý, sıfrlaý jáne jarııalaý baǵytynda jasalǵan jumystar talqylandy.
Konferensııa aıasynda Qazaqstan tarıhyna qatysty biregeı qujattar kórmesi uıymdastyryldy. Ekspozısııada Reseı, Germanııa, Mońǵolııa, Belarýs, Armenııa, Túrkııa sııaqty memleketterdiń arhıvterinen ákelingen qujattar qoıyldy.
Atap aıtar bolsaq, Alash arysy Jumabaev Maǵjan Bekenulynyń 1923-1925 jyldardaǵy jeke isi; Áz Jánibek hanǵa qatysty 1334 jyly jazylǵan tarıhı qoljazba; Temir hannyń 918 jyly Saıbek hanǵa elshi jiberip, Buryndyqpen mámilege kelýi týraly derek; Qazaq jerindegi 1784 jyldar shamasynda boı kótergen kóne qalalar kórinisi; О́tken ǵasyrdyń ortasynda Shyńjan-Altaıdan Úndistanǵa kóshken qazaqtardy Kashmırge qabyldaý qujattarynyń kóshirmesi jáne 1918 jyly kuzde Túrkistan avtonomııasynyń burynǵy parlament tóraǵasy Seraly Lapınnyń Germanııaǵa joldaǵan vızıtkasy qatarly t.b. qundy jádigerler qoıylypty.
Sondaı-aq is-shara aıasynda «Materıaly ı dokýmenty Rossııskogo gosýdarstvennogo voenno-ıstorıcheskogo arhıva po ıstorıı Kazahstana XIX veka» atty qujattar jınaǵynyń tusaýkeseri ótti.
Áz Jánibek hanǵa qatysty 1334 jyly jazylǵan tarıhı qoljazba.
1918 jyly kúzde Germanııaǵa jibergen Túrkistan avtonomııasy
Burynǵy Parlament tóraǵasy Serali Lapınnyń vızıtkasy