О́zbekstan astanasynda bankomat arqyly jalǵan banknottardy aıyrbastady degen kúdikpen úsh azamat ustalǵan. Bas prokýratýra janyndaǵy Ekonomıkalyq qylmysqa qarsy kúres departamentiniń málimetinshe, olar 28 jalǵan 50 dollarlyq banknotpen operasııa jasaǵan, dep habarlaıdy Egemen.kz.
Oqıǵa Tashkenttiń Chılanzar aýdanynda ornalasqan «Ipak Iýlı» bank fılıalynyń ótinishinen keıin anyqtalǵan.
Tekserý barysynda azamattar T.T. (buryn sottalǵan), N.O. jáne A.Sh. bankomat arqyly jalǵan banknottardy aıyrbastaǵan.
Atalǵan fakti boıynsha Qylmystyq kodekstiń 176-babyna sáıkes qylmystyq is qozǵalǵan. Qazirgi tańda quqyq qorǵaý organdary istiń barlyq mán-jaıyn anyqtaý maqsatynda jedel-izdestirý sharalaryn júrgizip jatyr.