Elimizde «eGov Mobile»-dan jeke kýáliktiń sıfrlyq nusqasyn «Samsung Wallet» elektrondyq ámııanyna ornalastyrý múmkindigi paıda boldy. Jobany Sıfrlyq damý, ınnovasııalar jáne aeroǵarysh ónerkásibi mınıstrligi, «Ulttyq aqparattyq tehnologııalar» AQ jáne «Samsung Electronics Central Eurasia» kompanııasymen birlesip, qanatqaqty rejimde iske qosty.
«Samsung Wallet»-tegi sıfrlyq jeke kýálik – bul jeke derekterdi saqtaýdyń yńǵaıly jáne qaýipsiz ádisi. Azamattar fızıkalyq tasymaldaýshyny joǵaltýdan nemese urlatýdan qoryqpaı, óz qujatyn birden sıfrlyq túrde usyna alady. Barlyq derek jeke aqparatty senimdi qorǵaýdy qamtamasyz etetin kópdeńgeıli qaýipsizdik júıesimen qorǵalǵan. Bul fýnksııa «Egov Mobile» qoldanbasy ornatylǵan «Samsung» smartfondarynyń paıdalanýshylary úshin qoljetimdi. Qujattardy qosý úshin paıdalanýshyǵa:
– Egov Mobile qoldanbasynda avtorızasııa jasap, «Sıfrlyq qujattar» servısine ótý kerek,
–Jeke kýálik» sıfrlyq qujatyn ashý jáne «Samsung Wallet» ámııanyna qosý batyrmasyn basý kerek,
– derbes derekterdi óńdeý týraly kelisimmen tanysý, olardy óńdeýge óz kelisimin berý jáne oǵan ESQ arqyly «Qol qoıý» qajet.
Sıfrlyq kýáliktiń aqparattar bóliminde kórsetilgen jaramdylyq merzimi azamattyń jeke kýáliginde kórsetilgen merzimge sáıkes keledi. Eger ýaqyt óte kele kýáliktegi aqparat ózgerse, onda paıdalanýshy aǵymdaǵy sıfrlyq kýálikti óshirip tastap, jeke kýálikti qaıta shyǵarǵan kezde ony jańartý úshin qaıta qosa alady.