Ǵylymǵa qushtar oqýshy

Búginde elimizdiń túkpir-túk­pirinde jas ǵalym­dar­dyń tyń bas­tamalary arqyly ulttyq mádenıe­timiz ben tarıhymyzdyń mańyzdy qyrlary zerttelip jatyr. Sonyń ishinde Mańǵystaý óńiriniń rýhanı murasyn jańasha qyrynan tanytyp júrgen jas zertteýshi, Aq­shu­qyr mektep-lıseıiniń 11-synyp oqý­shysy Shynar Amanbaıdyń jobasy erekshe kózge tústi.

Shynar bıyl respýblıkalyq ǵylymı jobalar konkýrsynda «Mańǵystaýdaǵy rýna jazýynyń zert­telýi» taqyrybyn qorǵap, birinshi oryn ıelengen. Onyń ǵy­lym­ǵa degen qushtarlyǵyn oıatqan jetek­shisi Meıramgúl Jańaber­genova. Ekeýi túrkitanýshy Baıdýlla Aıdarovtyń murasyn tereńirek zertteýge bel býǵan. Zertteý barysynda Shynar óńirdegi rýna jazýlarynyń barlyǵyn jınaqtaý maqsatynda arnaıy «Tanba.Kz» atty mobıldi qosymsha jasap shyqqan. Bul qosymsha arqyly óńirdegi árbir tańbanyń sıfrlyq bazasyn qurý qolǵa alynǵan. Mun­daı joba tek zertteý jumysy ǵana emes, mádenı muralardy saq­taýǵa arnalǵan ınnovasııalyq qadam deýge bolady. Shynardyń ju­mysy tek teorııalyq zertteý­men shektelmeıdi. Ol Taýshyq mańyn­daǵy Tańbaly saı jerine baryp, tańbalardy sýretke túsirip, beıne­materıaldar ázirlegen. Sondaı-aq ólke­tanýshylarmen, tań­ba­taný­­shylarmen suhbattasyp, mol málimet jınaǵan.

«Meniń ǵylymǵa qadam basýyma jetekshim Meıramgúl Jańa­bergenova apaı sebepker boldy. Ol kisiniń bilimge degen erekshe kózqarasy meni qanattandyryp, Baıdýlla Aıdarov murasyn zertteýge jeteledi. Osy zertteý aıasynda jetekshim ekeýmiz Mańǵystaý oblysyndaǵy búkil tańbalardy jı­naqtaý maqsatynda «Tańba Kizet» atty mobıldi qosymsha oı­lap taptyq. Bul – meniń al­ǵash­qy ǵylymı jobam, biraq toqtap qalmaı, ǵylym jolymdy jalǵas­tyr­ǵym keledi», deıdi ol.

Joba arqyly jas zertteýshi qazaq tarıhynyń kóne kezeńderinen syr shertetin rýna jazýlaryn tek zerttep qoımaı, olardyń mán-mańyzyn keń aýdıtorııaǵa jetkizýdi maqsat etip otyr. Shynardyń aıtýynsha, bul jeńis – ǵylym jolyndaǵy alǵashqy baspaldaǵy ǵana.