ATYRAÝ. 2 aqpan. Atyraý óńiriniń basshysy Baqtyqoja Izmuhambetovtiń ókimimen oblystyq veterınarııa basqarmasyna basshy bolyp Abdrahmanov Nurbaı Nasıhatuly taǵaıyndaldy. Bul týraly «Atyraý» gazeti habarlady.
Oblystyq veterınarııa basqarmasynyń tizginin ustaǵan Nurbaı Abdrahmanovtyń jasy – 59-da. Burynǵy Gýrev aýyl sharýashylyǵy tehnıkýmyn vettehnıg, Almaty zootehnıkalyq-mal dárigerlik ınstıtýtyn mal dárigeri mamandyǵy boıynsha bitirgen. Eńbek jolyn 1979 jyly vettehnıg bolyp bastap, sodan beri osy salada eńbek etip keledi. Al 1993 jyldan osy kezge deıin Aýyl sharýashylyǵy mınıstrligi veterınarııalyq baqylaý jáne qadaǵalaý komıtetiniń Atyraý oblystyq aýmaqtyq ınspeksııasynda bas maman bolyp qyzmet etken.
Aıta keteıik, jýyrda Atyraý oblysynda veterınarııa máselelerimen aınalysatyn jańa basqarma qurylǵan bolatyn. Mundaı basqarma elimizdiń tek birqatar aımaqtarynda ǵana bar. Munyń ózin oblys basshylyǵynyń mal sharýashylyǵyn damytý, sonyń ishinde, mal basyn kóbeıtýge degen umtylysynan týǵan ıgi qadamy dep bilgen jón.
Joldasbek Shópeǵul.
Derek, sýret: «Atyraý» gazeti.