Qasym-Jomart Toqaev QR Prezıdentiniń keńesshisi – Halyqaralyq ekologııalyq yntymaqtastyq jónindegi arnaýly ókili Zúlfııa Súleımenovany qabyldady, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysyna Baký qalasynda ótken BUU klımattyń ózgerýi jónindegi negizdemelik konvensııasyna qosylýshy taraptardyń 29-konferensııasynyń basty qorytyndylary týraly málimet berildi.
Prezıdentke 3 jeltoqsan kúni Er-Rııad qalasynda ótetin One Water Summit halyqaralyq is-sharasyna ázirlik barysy baıandaldy. Atalǵan sammıt Qazaqstan men Fransııanyń tóraǵalyǵymen, sondaı-aq Dúnıejúzilik banktiń jáne Saýd Arabııasynyń qoldaýymen uıymdastyrylady.
Prezıdent Qazaqstannyń ekologııa, sý resýrstaryn jáne bıoalýantúrlilikti saqtaý baǵytyndaǵy bastamalaryn sapaly iske asyrýdy tapsyrdy.