AQTО́BE. 2 aqpan. Aqtóbelik polıseıler «Qaýipsiz aýla» aksııasy barysynda 5 qylmystyń izin sýytpaı ashty. Bul týraly egemen.kz tilshisi habarlady.
«Múldem tózbeýshilik» tártibimen qylmystar men quqyq buzýshylyqtardyń aldyn alý, anyqtaý, sondaı-aq kóp qabatty úıler men jeke úılerdiń aýlasynda qoǵamdyq tártip pen qaýipsizdikti qamtamasyz etý maqsatynda aǵymdaǵy jylǵy 29-31 qańtar aralyǵynda oblys aýmaǵynda «Qaýipsiz aýla» jedel aldyn alý is-sharasy júrgizidýde. Oblys boıynsha qoǵamdyq tártipti qorǵaýǵa 700 ishki ister ornandarynyń qyzmetkeri jáne 75 ishki ásker qyzmetkeri, sondaı-aq 120 birlik kólik jumyldyryldy. Atalǵan is-shara kezeńinde polısııanyń keshendi kúshi kóp qabatty úılerdiń aýlalaryna jaqyn ornalasyp, jaıaý júrip patrýl jasady. Is-sharanyń birinshi kúni jumyldyrylǵan polısııa jasaǵymen 5 qylmys «izi sýymaı» ashyldy. Sonymen qatar, ishki ister departamenti jedel qyzmetterimen buryn jasalǵan 7 qylmys ashyldy. Sonymen qatar, «Múldem tózbeýshilik» tártibimen 241 ákimshilik quqyq buzýshylyq anyqtaldy, onyń ishinde usaq buzaqylyqtyń 33, ishimdik ishý jáne qoǵamdyq jerde mas kúıinde júrýdiń 40, belgilenbegen jerde temeki shegýdiń 35, kólik quralyn qoıý jáne toqtaý erjesin buzýdyń 18 deregi tirkeldi.
Satybaldy Sáýirbaı.
Derek: egemen.kz.
Sýret: dorpat.kz.