ASTANA. 30 sáýir. Belgili mýzykant, estradamyzdyń jaryq juldyzy Batyrhan Shókenovtiń kenetten qaıtys bolýy barsha qazaqstandyqtarǵa aýyr soqqy bolyp tıdi. Búginde ánshiniń týǵan jeri Qyzylorda óńirinen bastap Astana, Almaty qalalary men ózge oblys ortalyqtarynda óner juldyzynyń qurmetine eske alý sharalary ótýde. Astanalyqtar súıikti ánshilerin eske alý úshin Esil ózeniniń jaǵalaýyna jınalýda. Bul týraly egemen.kz habarlady.
Marqumnyń rýhyna duǵa baǵyshtap, eske alý úshin jaǵalaýǵa jas pen kári birdeı kelýde. Jınalǵandar ánshiniń ánderin oryndap, arnaıy orynǵa gúl shoqtaryn qoıýda.
«Qazaqtyń birtýar azamaty edi. О́kinishten ózegimiz órtenýde. «Jazmyshtan ozmysh joq» degen bar. Biraq Batyrhan ólgen joq. О́ıtkeni, onyń artynda óshpes asyl murasy – óneri qaldy. Joǵary baǵalaıtyn ánshilerimniń biri edi. Ánderi júrekke jetetin. Osy jaǵalaýda eske alý úshin oryn ashyldy degendi estip, zııarat jasaýǵa, rýhyna duǵamyzdy baǵyshtaýǵa arnaıy keldik. Ultymyzdyń ataq-abyroıyn ósirgen ulymyz ǵoı. Alla aldynan jarylqasyn», – deıdi jasy 70-ten asqan Shortan Bekbaev esimdi atamyz.
Aıta keteıik, Batyrhan Shókenov keshe Máskeýdegi óz páterinde júrek talmasynan qaıtys boldy. О́ner tarlanyn sońǵy saparǵa shyǵaryp salý rásimi erteń saǵat 9:00-de Almaty qalasynda Muhtar Áýezov atyndaǵy Qazaq memlekettik akademııalyq drama teatrynda ótedi.
Elaman Qońyr.
Derek: egemen.kz.
Sýret: Erlan Omarov.