QOSTANAI. 28 aqpan. Qostanaıdaǵy Dostyq úıinde aqsaqaldar keńesi men jastar uıymdary ókilderi arasynda «Yrys aldy-yntymaq» taqyryby aıasynda pikir almasý ótti. Bul týraly egemen.kz tilshisi habarlady.
Pikir almasý alańynda Qostanaı óńirinegi belgili aqsaqaldar – Uly Otan soǵysynyń ardagerleri Bertran Rýbınshteın, Mıhaıl Podolıakov, Qajy Mamanov, tyń ardageri Ahmetqalı Bapenov, din ókili Ramıl qajy, ýkraın ulttyq-mádenı ortalyǵynyń ókili Lıýbov Frolova boldy. Pikir almasýda obylstyq assambleıanyń meńgerýshi-hatshysy Baǵytur Álimbaev moderator boldy. Bertran Rýbınteın: «Men Uly Otan soǵysy» degen sózdi qysqartyp jazatyn búuqraralyq aqparat quraldaryna ókpem bar. Bul ásirese, orys basylymdaryna tán. Bul týraly men jergilikti gazetterdiń redaktorlaryna eskertý de jasaǵan edim. Osy soǵysta mıllıondaǵan adamnyń qany tógildi, al búgin olar soǵystyń atyn túgel jazýǵa erinedi. Bul Otan úshin qan maıdanda qalǵan bozdaqtar rýhyna da, búgin aramyzda júrgen ardagerlerge de qurmet emes. Sosyn taǵy aıtarym, «nemis basqynshylaryna qarsy kúres» emes, «fashıst basqynshylaryna qarsy» dep aıtylýy tıis», dedi.
Bertran Iosıfovıchtiń sózin ony maıdandastary Qajı Mamanov pen Mıhaıl Podolıakov ta qorǵady. Uly Otan soǵysynyń ardageri Qajı Mamamnov: «Uly Otan soǵysynyń tarıhy burmalanbaýy tıis. Keıbireýler Uly Otan soǵysy tek Reseı men Germanııa arasynda boldy dep túsinedi, joq, bul fashıst basqynshylaryna qarsy dúnıejúzilik jáne Otan soǵysy boldy. Soǵystaǵy adam ólimi jóninen ýkraındar orystar men polıaktardan keıin úshinshi orynda turady. Bul soǵys eshkimge de jaqsylyq ákelgen joq, qazaqtar da kóp opat bolǵandardyń qatarynda. Dostyqty qasterlek kerek. Maıdan dalasyndaǵy, okoptardaǵy dostyq bolmaǵanda biz osy kúnge jete almas ta edik» dedi. Mıhaıl Podolıakov jastarǵa búgingi kúnniń beıbitshiligin, molshylyǵyn baǵalaýǵa shaqyrdy.
Uly Otan soǵysynyń ardageri Mıhaıl Podolıakov: «Patrıotızm degen ár stýdenttiń, oqýshynyń jaqsy oqýy. Prezıdent jastardyń bilimdi bolýy úshin barlyǵyn da jasap otyr. Sony baǵalańdar. Bizdiń jas shaǵymyzda maıdannan kıip kelgen shınelden kostıým-shalbar tikkizip kıgenbiz. Ondaı kúndi senderge kórsetpesin, tek osy kúnniń baqytyn baǵalaı bilińder. Sosyn qazaq jerinde baqytty ómir súrip otyrǵandyqtan osy halyqtyń tilin úırenińder, ózge ulttyń balalary. Bizdiń ýaqytymyz basqa boldy, endi úırenbeseńder ol adamgershilikke jatpaıdy» dedi. Al tyń ardageri Ahmetqalı Bapenov: «Tyl bolmasa Jeńistiń kelýi munan da aýyr bolar edi. Biz bala kezimizden kombaınǵa otyryp, kúndiz-túni astyq jınadyq. Ol kezde kórpe-tósek qaıda, bıdaıdyń sabanynyń arasyna kirip jatyp, kóz shyrymyn aldyq. Soǵys bitken soń tyń jerlerdi kóterdik» dedi. О́z retinde jastar aqsaqaldarǵa osyndaı mazmundy áńgimeleri úshin rahmetin aıtty.
«Nur Otan» partııasynyń oblystyq fılıaly «jas Otan» jastar qanatynyń atqarýshy hatshysy Erlan Tóletaev: «Aqsaqaldarǵa-atalarymyzǵa kóp rahmet aıtamyz. Sizder, sizderdiń qandy kóılek zamandastaryńyz bolmaǵanda biz qazir Táýelsiz elde osylaı ómir súrip otyrmaǵan bolar edik. Biz sizdermen maqtanamyz» dedi.
Názıra Járimbetova.
Derek, sýret: egemen.kz.