ASTANA. 2 aqpan. Dzıýdo – jer júzine eń tanymal sport túriniń biri. Búginde sporttyń bul túrinen dúnıejúziniń kóptegen elderinde ulttyq federasııalar jumys istep, Kúnshyǵys eliniń tól kúresin damytyp jatyr. Bizdiń elde de dzıýdo kúresimen aınalysatyn jastardyń qatary jyl saıyn kóbeıip keledi. Osy oraıda Dzıýdo federasııasynyń jastardy sportqa tartyp, kúrestiń bul túrin damytýda jasap jatqan jumysyn aıta ketkenimiz jón. Jaqynda biz «Dzıýdo federasııasy» respýblıkalyq qoǵamdyq birlestiginiń birinshi vıse-prezıdenti Maratbek MYQTYBEKOVPEN kezdeskenimizde ol ótken jylda deıýdony damytýda qandaı jumystardyń jasalǵany týraly aıtyp berdi. Bul týraly egemen.kz tilshisi habarlady.
-Byltyr ulttyq quramany keshendi jarystarǵa daıyndaý maqsatynda qandaı jumys júrgizildi?
- Aldymen ulttyq quramanyń daıyndyǵyna baılanysty aıtarym, biz keńesshi-jattyqtyrýshy retinde belgııalyq belgili bapker Aleksandr Iаskevıchti shaqyrdyq. Ol kezinde 10-nan astam Olımpııa oıyndarynyń jáne álem birinshilikterin júldegerlerin jáne 50-ge jýyq Eýropa chempıondary men júldegerlerin daıyndaǵan jattyqtyrýshy. О́zi Olımpııa oıyndarynyń jáne álem birinshilikteriniń júldegeri, úsh dúrkin Eýropa chempıony. Qazir Eýropa dzıýdo odaǵynyń sport dırektory qyzmetin atqarady. Osy bilikti mamanmen aqyldasa kele, erler ulttyq quramasynyń 2014 jáne 2015 jyldarǵa arnalǵan jattyǵý jospary jasaldy.
-Jalpy alǵanda byltyr elimizde qansha jarys ótkizildi?
-Byltyr ár túrli jastaǵy sportshylar arasynda 4 el birinishligi ótkizildi. Eresekter arasynda basqa memleketterden kelgen sportshylardyń qatysýymen 5 týrnır, jastar jáne jasósipirimder arasynda 6 jarys, onyń ishinde Qaraǵandy qalasynda ótkizilgen jasóspirimder arasyndaǵy Azııa ashyq kýbogyn atap ótken jón.
Árıne, eń úlken jarysymyz Astanada byltyr ótkizilgen Gran Prı. Oǵan 40 – qa jýyq memleketten 300-ge tarta sporqatysty. Osy týrnırde bizdiń dzıýdoshylar 2 altyn, 2 kúmis jáne 3 qola medal ıegeri atandy. Jarystyń uıymdastyrylý dárejesi halyqaralyq dzıýdo federasııasy tarapynan joǵary baǵalandy.
-О́ńirlerdegi sport mektepterine federasııa tarapynan qandaı da bir kómek kórsetile me?
-Dzıýdo federasııasy oblystardaǵy sport mektepteriniń materıaldyq-tehnıkalyq bazalaryn nyǵaıtý jolynda da jumys jasaýda. Eki jyl ishinde dzıýdo bólimsheleri men túrli mektepterge 13 komplekt tatamı men 178 komplekt kımono berildi.
-Jattyqtyrýshylar men tóreshilerdiń biliktiligin arttyrý maqsatynda qandaı jumys júrgizilýde?
-Federasııa sportshylar men tóreshilerdiń jáne bapkerlerdiń biliktiligin arttyrý úshin erekshe kóńil bólýde. Halyqaralyq semınarlar men biliktiligin arttyrý kýrstarynda 30-ǵa tarta jattyqtyrýshy men tóreshi oqyp keldi. О́ńirlerde otandyq jáne sheteldik bilikti mamandardy tartyp, semınarlar ótkizý arqyly kadrlardy oqytýǵa úlken kóńil bólinýde. Osy baǵytta 2014 jyly elimizde 7 semınar ótkizildi.
Ulttyq qurama sapyndaǵy sportshylardy oqytýǵa jiti kóńil bólinýde. Barlyǵy túrli joǵary jáne basqa da oqý oryndarynda oqıdy, birqatary bilim oshaqtaryn bitirip úlgergen.
-Sportshylarǵa qandaı medısınalyq kómek kórsetilýde?
Federasııa jumysynyń negizgi baǵyttarynyń biri - sportshylardyń aýrýlarynyń aldyn alý, túrli jaraqattan keıin olardy elimizdiń jáne sheteldik emhanalarda emdetý.
Konfederasııanyń kómeginiń arqasynda bıyl Islam Bozbaev pen Lım Sergeı shetelden sapaly medısınalyq kómek alyp, beıimdelý ústinde.
Dopıngke qarsy ortalyqpen birlese tyıym salynǵan preparattardy qoldanbaý jóninde túsindirme jumystary júrgizilýde. Birneshe keleńsiz jaǵdaıdyń oryn alýyn, sportshylar men bapkerlerdiń tyıym salynǵan preparattar men sýsyndardyń jáne taǵamǵa qosatyn zattardyń tizimin tolyq bilmeýinen boldy.
-Qazaqstandy dzıýdo kúresin jastar arasynda nasıhattaýda qandaı jumystar júrgizilip jatyr?
- Elimizde dzıýdony nasıhattaý baǵytynda aýqymdy jumys jasalýda. Federasııanyń resmı saıty jumys isteýde. Jaqynda álem birinshiliginiń saıtyn iske qostyq, ótkiziletin sharalardyń barlyǵy aqparat quraldarynda jarııalanyp otyrady. Federasııanyń «Kazsport» telearnasymen tyǵyz jumysyn erekshe atap ótý kerek. Osy arna arqyly jankúıerlerimizge jarystar men dzıýdoshylar týraly materıaldardy kórýge múmkindik bar.
-Dzıýdonyń damýynda sporttyq jekpe-jek jáne kúsh qoldanylatyn sport túrleri konfederasııasynyń róli qandaı?
-Konfederasııa quralǵannan beri materıaldyq jáne qarjylyq máseleler tolyqqandy sheshildi. Oqy-jattyǵý ótkizetin sporttyq bazalar sany kóbeıip, olardy jabdyqtaý jaǵy da joǵary deńgeıge kóterildi.
-Bıyl qandaı negizgi sharalar josparlanyp otyr?
-Qazaqstan úshin halyqaralyq dzıýdo federasııasynyń Astana qalasynda dzıýdo kúresinen álem birinshiligin ótkizý quqyǵy berilgendiginiń ózi biz úshin mańyzdy. Bul dzıýdonyń elimizde ári qaraı nasıhattalýyna múmkindik bermek.
2013 jyldyń qyrkúıeginde halyqaralyq dzıýdo federasııasynyń prezıdenti Marıýs Vızer, Qazaqstan dzıýdo federasııasynyń prezıdenti Keńes Raqyshev jáne Almaty qalasynyń ákimi Ahmetjan Esimov dzıýdo ortalyǵynyń qurylysyna sáttilik tilep, alǵashqy kirpishin qalaǵan edi. Endi osy sport ordasynyń qurylysyn 2015 jyly aıaqtaý josparlanyp otyr.
-Jańa jylda óz áriptesterińizben jankúıerlerge qandaı tilegińiz bar ?
– Eń aldymen oblystyq sport basqarmalaryna jáne federasııa prezıdentterine dzıýdoshylarymyzdy qoldaǵandary úshin alǵysymdy bildirem. Barlyq bapkerler men sportshylarǵa, jankúıerlerge sáttilik, kóterińiki kóńil kúı jáne otbasylaryna bereke tileımin!
-Áńgimeńizge rahmet!
Áńgimelesken Dastan Kenjalın.
Derek: egemen.kz
Sýret: Sporttyq jekpe-jek jáne kúsh qoldanylatyn sport túrleri konfederasııasy.