Memleket basshysynyń ókimimen bul qyzmetke taǵaıyndalǵan general-maıor Erjan Ibraev jýyrda ofıserler men áskerı qyzmetkerlerge tanystyryldy, dep habarlaıdy Egemen.kz.
«Ońtústik» óńirlik qolbasshylyǵynyń jańa qolbasshysy general-maıor Erjan Ibraev 1978 jyly 1 qyrkúıekte Semeı qalasynda dúnıege kelgen. 1995 jyly Almaty joǵary áskerı ýchılıshesin «Komandalyq-taktıkalyq motoatqyshtar áskerleri» mamandyǵy boıynsha, 2009 jyly Ulttyq qorǵanys ýnıversıtetin «Jedel-taktıkalyq basqarý (basqarý)» mamandyǵy boıynsha bitirdi. 2020 jyly Reseı Qarýly Kúshteri Bas shtabynyń Áskerı akademııasynda «Ulttyq qaýipsizdik jáne memlekettik qorǵanys» mamandyǵy boıynsha bilim aldy.
«Ońtústik» óńirlik qolbasshylyǵy shtabynyń ofıserleri men áskerı qyzmetkerleriniń jańa qolbasshymen tanysýy sımvolıkalyq sıpatqa ıe boldy. Bir jyl buryn general-maıor Erjan Ibraev ońtústikte áskerler qolbasshysynyń birinshi orynbasary – áskerler shtaby bastyǵynyń orynbasary qyzmetin atqarsa, jeti jyl buryn Tarazdaǵy 5-mehanıkalandyrylǵan brıgadany basqarǵan.
Erjan Ibraev leıtenanttan polkovnıkke deıin áskerı qyzmettiń barlyq satysynan ótti. II dárejeli «Aıbyn» ordenimen, vedomstvolyq nagradalarmen jáne mereıtoılyq medaldarmen marapattalǵan.
Bul taǵaıyndaýǵa deıin «Astana» óńirlik qolbasshylyǵy áskerlerin basqardy.