Taılandtyń Chıangmaı qalasynda bokstan ótip jatqan Azııa chempıonatynda baq synaýy tıis bolǵan Alýa Balqybekova jekpe-jekterden bas tartty, dep jazady Egemen.kz.
Bokstan Qazaqstan áıelder quramasynyń múshesi 50 kelide búgin taılandtyq sportshyǵa qarsy sharshy alańǵa shyǵý kerek edi. Qazaqstan boks federasııasy Balqybekovanyń syrqattanýyna baılanysty jekpe-jekterden bas tartqanyn málimdedi.
«Ishek sındromy bar orta dárejeli jiti gastroenterıtke baılanysty sportshynyń jarysqa qatyspaýy týraly sheshim qabyldandy», delingen dáriger anyqtamasynda.