Jarqyn jeńisimen quttyqtady

Qazaqstan Prezıdenti Nursultan Nazarbaevtyń atyna memleket, úkimet basshylarynan, halyqaralyq uıymdardyń jetekshilerinen saılaýdaǵy jeńisine baılanys­ty quttyqtaýlar áli de kelip jatyr

Japonııa Premer-mınıstri Sındzo Abe Nursultan Nazarbaevty prezıdenttik saılaýdaǵy aıqyn jeńisimen quttyqtady, dep habarlady Prezıdenttiń baspasóz qyzmeti. «Qazaqstan men Japonııa arasyndaǵy qarym-qatynastar saıası ǵana emes, áleýmettik-ekonomıkalyq salada da damyp, bul oraıdaǵy yntymaqtastyq jańa satyǵa kóterildi. Sonymen qatar, biz halyqaralyq qoǵamdastyq aıasynda ıadrolyq qarýsyzdaný máselesine baılanysty bir-birimizdi qoldaımyz. Memleketterimizdi jaqyndastyrý maqsatynda yntymaqtastyqty odan ári jandandyryp, Qazaqstan men Japonııanyń ekijaqty qatynastaryn damytýǵa nıetti ekenimdi bildiremin», – delingen quttyqtaýda. Sońynda S.Abe Memleket basshysyna baqyt pen tabys, al Qazaqstan halqyna baq-bereke tiledi. * * * Koreıa Respýblıkasynyń Prezıdenti Pak Kyn He Nursultan Nazarbaevty prezıdenttik saılaýdaǵy jeńisimen quttyqtady, dep habarlady Prezıdenttiń baspasóz qyzmeti. «Men Sizdiń Memleket basshysy laýazymynda bolǵan kezińizde Qazaqstan Respýblıkasy óz damýy men órkendeýin jalǵastyratynyna, al elderimizdiń arasyndaǵy strategııalyq seriktestik odan ári nyǵaıa beretinine senimdimin. Bizdiń elderimizdiń ekijaqty qarym-qatynastaryn damytýǵa múddelilik tanytqanyńyz úshin alǵysymdy qabyl alyńyz», – delingen jedelhatta. Koreıa Prezıdenti Memleket basshysyna myqty densaýlyq pen baqyt, al Qazaqstan halqyna baq-bereke tiledi. * * * Ispanııa Koroli VI Felıpe Nursultan Nazarbaevty prezıdenttik saılaýdaǵy jeńisimen quttyqtady, dep habarlady Prezıdenttiń baspasóz qyzmeti. Ol Qazaqstan Prezıdentiniń eki eldiń arasyndaǵy qarym-qatynastardy odan ári damytý jáne nyǵaıtý úshin bıik maqsattardy oryndaý jolyndaǵy qyzmetine tabys tiledi. * * * Elbasy Nursultan Nazarbaev Bahreın Koroli sheıh Hamad ben Isa Ál Halıfamen telefon arqyly sóılesti, dep habarlady Prezıdenttiń baspasóz qyzmeti. Bahreın bıleýshisi Nursultan Nazarbaevty prezıdenttik saılaýdaǵy aıqyn jeńisimen jáne Memleket basshysy laýazymyna kirisýimen quttyqtap, bul Qazaqstan halqynyń joǵary senimi men qoldaýynyń aıqyn aıǵaǵy ekenin atap ótti. Sheıh Hamad ben Isa Ál Halıfa senimdi dıalogty jáne ekijaqty yntymaqtastyqtyń barlyq máseleleri boıynsha birlesken jumysty jalǵastyrýǵa daıyn ekenin aıtty. Áńgime barysynda eki memlekettiń kósh­basshylary Qazaqstan-Bahreın ynty­maq­tastyǵynyń basymdyǵy bar baǵyttaryn talqylady, sondaı-aq, saýda-ekonomıkalyq jáne ınvestısııalyq salalardaǵy yqpaldastyqty jandandyrý joldaryn belgiledi. Telefon arqyly sóılesýge Bahreın jaǵy bastamashylyq etti. * * * Memleket basshysy Nursultan Nazarbaev Túrkııanyń eks-prezıdenti Abdýlla Gúlmen telefon arqyly sóılesti, dep habarlady Prezıdenttiń baspasóz qyzmeti. A.Gúl Nursultan Nazarbaevty prezıdenttik saılaýdaǵy tarıhı jeńisimen jáne Qazaqstan Prezıdenti laýazymyna resmı kirisýimen quttyqtady. Memleket basshysy túrik saıasatkeriniń eki eldiń baýyrlastyq baılanystaryn nyǵaıtýǵa qosqan úlesin joǵary baǵalady. A.Gúl Nursultan Nazarbaevtyń Qazaqstan-Túrkııa strategııalyq seriktestigin odan ári tereńdetýge umtylysyn tolyq quptaıtynyn aıtty. Sońynda Túrkııanyń eks-prezıdenti Elbasynyń el damýynyń jańa kezeńindegi strategııalyq mindetterdi tabysty júzege asyrýyna tilektestik bildirdi. * * * Avstrııa Respýblıkasynyń Federal­dyq Prezıdenti Haıns Fısher Nursultan Nazarbaevty prezıdenttik saılaýdaǵy aıqyn jeńisimen quttyqtap, jaýapty memlekettik qyzmetine tabys tiledi, dep habarlady Prezıdenttiń baspasóz qyzmeti. «Qazaqstannyń eldegi ekonomıkalyq jáne saıası turaqtylyqty qamtamasyz ete otyryp, demokratııalyq reformalardy da júzege asyrýdy jalǵastyrýyn tileımin», – delingen jedelhatta. Avstrııa Federaldyq Prezıdenti Memleket basshysyna myqty densaýlyq, al Qazaqstan halqyna baq-bereke tiledi. * * * Kýveıt Memleketiniń Ámiri Sabah ál-Ahmad ál-Djabır ás-Sabah Nursultan Nazarbaevty prezıdenttik saılaýdaǵy jeńisimen shyn júrekten quttyqtady, dep habarlady Prezıdenttiń baspasóz qyzmeti. Sabah ál-Ahmad ál-Djabır ás-Sabah eki el qarym-qatynastarynyń damý qarqyny jaqsy ekenin aıta kele, túrli salalardaǵy yntymaqtastyqty keńeıtý eki memlekettiń de múddesine saı ekenin atap ótti. Kýveıt Ámiri Nursultan Nazarbaevqa myqty densaýlyq pen amandyq, al Qazaqstan halqyna baq-bereke tiledi. * * * Vetnam Prezıdenti Chyong Tan Shang Nursultan Nazarbaevty prezıdenttik saılaýdaǵy jeńisimen quttyqtady, dep habarlady Prezıdenttiń baspasóz qyzmeti. «Sizdiń basshylyǵyńyzben «Nurly Jol» saıasaty taıaý arada jańa tabystar ákeletinine, al Qazaqstan eldi qalyptastyrý jáne damytý isindegi jetistikterin jalǵastyratynyna nyq senimdimin», – delingen jedelhatta. Vetnam Prezıdenti eki eldiń basshylary men halqynyń kúsh-jigeriniń arqasynda memleketter arasyndaǵy ózara qarym-qatynas aldaǵy ýaqytta da qarqyndy ári tıimdi damı beretinine senim bildirgen. «Qazaqstan men Vetnam arasyndaǵy dástúrli dostyq qatynastar men kópjaqty yntymaqtastyq kúnnen kúnge damyp kele jatqanyn qanaǵattanýshylyqpen atap ótemin. Sizdiń – Vetnamǵa, meniń Qazaqstanǵa saparymnan keıin qarym-qatynastar burynǵydan da nyǵaıa tústi jáne qazir yntymaqtastyq týraly birqatar mańyzdy kelisimder eki eldiń ıgiligi úshin tıimdi júzege asyrylýda», – delingen quttyqtaýda. Sońynda Ch.T.Shang Nursultan Nazarbaevqa myqty densaýlyq jáne jaýapty laýazymdaǵy qyzmetine zor tabys tiledi. * * * Horvatııa Prezıdenti Kolında Grabar-Kıtarovıch horvat halqynyń jáne jeke óziniń atynan Nursultan Nazarbaevty prezıdenttik saılaýdaǵy aıqyn jeńisimen quttyqtady, dep habarlady Prezıdenttiń baspasóz qyzmeti. «Biz birlesken kúsh-jiger arqyly elderimizdiń dostyq qatynastaryn budan ári de nyǵaıtyp, damyta beretinimizge senimdimin», – delingen jedelhatta. * * * Lıtva Respýblıkasynyń Prezıdenti Dalı Grıbaýskaıte Nursultan Nazarbaevty prezıdenttik saılaýdaǵy jeńisimen quttyqtap, myqty densaýlyq, sarqylmas kúsh-qýat jáne tabys tiledi, dep habarlady Prezıdenttiń baspasóz qyzmeti. «Lıtva men Qazaqstan arasyndaǵy dostyq qatynas, sondaı-aq, elderimizdiń oń bastamalary ekijaqty yntymaqtastyqty qarqyndy damytýǵa múmkindik beredi. Biz taıaý bolashaqta saýda, kólik, mádenıet jáne ǵylym salalaryndaǵy ózara tıimdi jobalardy jandandyramyz dep úmittenemin. Bizdiń birlesken kúsh-jigerimiz elderimizdiń ıgiligine jumsalatyn bolady», – delingen quttyqtaýda. Lıtva Prezıdenti, sondaı-aq, Nursultan Nazarbaevty jáne barsha Qazaqstan halqyn Qazaq handyǵynyń 550 jyldyǵy, Konstıtýsııanyń, Qazaqstan halqy Assambleıasynyń 20 jyldyǵy merekelerimen quttyqtap, respýblıkamyzǵa baq-bereke tiledi. D.Grıbaýskaıte Qazaqstan Prezıdentin Lıtvaǵa saparlap kelýge shaqyrdy jáne ol sapar elderimizdiń arasyndaǵy yntymaqtastyqty ekijaqty deńgeıde jáne Eýropalyq Odaqpen qarym-qatynas aıasynda odan ári nyǵaıtýdyń jańa múmkindikterin jan-jaqty talqylaýǵa jaǵdaı týǵyzatynyna senim bildirgen. * * * Chernogorııa Prezıdenti Fılıpp Výıanovıch Nursultan Nazarbaevty prezıdenttik saılaýdaǵy jeńisimen quttyqtady, dep habarlady Prezıdenttiń baspasóz qyzmeti. Chernogorııa Prezıdenti eki el qarym-qatynasynyń aıasy birtindep keńeıip, dostyq baılanystardyń nyǵaıyp kele jatqanyn atap ótken. «Elderimiz arasyndaǵy ekijaqty jáne kópjaqty yntymaqtastyq jandana túsedi dep úmittenemin, sondaı-aq, ortaq is-qımyl aıasyn keńeıtýge baǵyttalǵan bastamalardy qoldaıtynymdy bildiremin», – delingen quttyqtaýda. Sońynda F.Výıanovıch Qazaqstan Prezı­den­tine myqty densaýlyq jáne tabys tiledi. * * * Nursultan Nazarbaevtyń Qazaqstan Respýblıkasy Prezıdenti bolyp saılanýyna baılanysty Laos Halyqtyq-Demokratııalyq Respýblıkasy Prezıdenti Tıýmmalı Saınıasonnan quttyqtaý jedelhaty kelip tústi, dep habarlady Prezıdenttiń baspasóz qyzmeti. T.Saınıason Nursultan Nazarbaevty prezıdenttik saılaýdaǵy jeńisimen shyn júrekten quttyqtady. «Laos pen Qazaqstan arasyndaǵy dostyq qarym-qatynas jáne yntymaqtastyq Sizdiń basshylyǵyńyzben halyqtarymyzdyń ıgiligine, sondaı-aq beıbitshilikti, turaqtylyqty, halyqaralyq ózara is-qımyldy qamtamasyz etýge baǵyttalady dep úmittenemin», – delingen quttyqtaýda. Laos Prezıdenti Memleket basshysyna myqty densaýlyq jáne jaýapty qyzmetinde tabys tiledi. * * * Taıland Premer-mınıstri general Praıýt Chan-Ocha Taıland halqynyń jáne jeke óziniń atynan Nursultan Nazarbaevty prezıdenttik saılaýdaǵy jeńisimen quttyqtady, dep habarlady Prezıdenttiń baspasóz qyzmeti. «Sizdiń mol tájirıbeńiz ben eldi danalyqpen basqarýyńyzdyń arqasynda Qazaqstan Respýblıkasy óńirde jáne halyqaralyq arenada belsendi ári syndarly ról atqarýyn jalǵastyra beretin bolady. Eki eldiń ilgeri damýy úshin bizdiń yntymaqtastyǵymyzdyń jalǵasýyn jáne barlyq saladaǵy qarym-qatynastardyń nyǵaıýyn taǵatsyzdana kútemin», – delingen jedelhatta.