Shyǵys Qazaqstan oblysynyń polıseıleri shamamen 2 mln 500 myń teńge kóleminde iri qara mal urlady degen kúdikke ilingen qylmystyq topty ustady, dep jazady Egemen.kz.
Tergeý barysynda oblystyń úsh turǵyny jaıylymdaǵy 6 iri qarany urlap, arnaıy daıyndalǵan qoraǵa aıdaǵany anyqtaldy.
Jedel ýákilder qylmys jasalǵan túni kúdiktilerdi Omby – Maıqapshaǵaı tasjolynda tasymaldaý kezinde qolǵa túsirdi.
«Urlyq faktisi boıynsha qylmystyq is qozǵaldy. Qylmys jasaǵan azamattar qamaýǵa alynyp, bes jylǵa deıin bas bostandyǵynan aıyrylýy múmkin. Polıseıler olardyń osyǵan uqsas basqa da ashylmaǵan qylmystarǵa qatysy bar-joǵyn tekserip jatyr», delingen ShQO Polısııa departamentiniń habarlamasynda.