О́tken aptada Jambyl aýdanynyń Uzynaǵash aýylynda «Taza Qazaqstan» respýblıkalyq aksııasy aıasynda senbilik uıymdastyryldy. Mańyzy zor is-sharaǵa memlekettik qyzmetkerler men aýyl turǵyndary, belsendi jastar atsalysty.
Senbilik barysynda aýdan ortalyǵynyń «Altyn asyq» shaǵyn aýdanyna 100-ge jýyq adam jınalyp, aýyl ishimen ótetin ózen arnasyna aǵash ekti. Budan buryn bul arada kópir salynyp, tóńiregine tal-terek otyrǵyzylǵan. Olardyń qatary 400 túp ártúrli aǵash kóshetimen tolyqty.
«Bul jolǵy ekologııalyq senbilikke myń túp kóshet alynyp, sonyń 400-i osy ózen arnasyna otyrǵyzyldy. Al qalǵan 600 kóshet basqa aýyldarǵa bólinip berildi. Iаǵnı bul kúni basqa aýyldyq okrýgterde de osyndaı senbilik ótkizildi. Jalpy, bıyl el Prezıdentiniń bastamasymen qolǵa alynǵan «Taza Qazaqstan» ekologııalyq aksııasy aıasynda Jambyl aýdanynda 9600 túp aǵash otyrǵyzý josparlanǵan. Kóktemde sonyń 4800 túbi egildi, al qalǵan jartysy kúz aılarynda aýdandaǵy 24 aýyldyq okrýgte otyrǵyzylyp jatyr. Belgilengen jospar jyl sońyna deıin tolyqtaı aıaqtalady», dedi aýdan ákiminiń orynbasary Abzal Nurpeıisov.
Almaty oblysy