QOSTANAI.17 maýsym. Qostanaı oblysynyń Tótenshe jaǵdaılar departamentinde sýısıdke qarsy sharalar jóninde keńeıtilgen semınar-keńes ótti. Bul týraly egemen.kz tilshisi habarlady.
Onda kúrdeli taqyrypty talqylaý úshin oblystyq ishki ister departamentiniń gospıtal-emhanasy men oblystyq psıhıatrııalyq aýrýhanasynyń psıholog dárigerleri, Din ister jónindegi oblystyq basqarma, dinı konfessııalar, qalalyq prokýratýra ókilderi, qorǵanys ister jónindegi departamenttiń jáne quqyqqorǵaý organdarynyń psıhologtary shaqyryldy.
Semınar-keńeste Tótenshe jaǵdaılar departamentiniń bastyǵy, órtke qarsy qyzmet polkovnıgi Tlaǵat Kákimov: «Respýblıkalyq ishki ister mınıstrligi bul kúrdeli jaǵdaıǵa asa mán berip otyr. Ujymdarda moraldyq-psıhologııalyq jaǵdaıy zerttelýi, keleńsiz jaǵdaıdyń aldyn alý úshin úzdksiz jumystar júrgizilýi tıis», dedi.
Qostanaı oblystyq psıhıatrııalyq aýrýhanasynyń psıhology N. Semınovskaıa oblysta jáne jalpy respýblıka kóleıinde oryn alǵan sýısıdtik oqıǵalar, adamdardy sýısıdttik sheshimge májbúrleıtin sebepter men faktorlar jóninde aıtty. Qostanaı oblysynyń Dinı ister jónindegi basqarmanyń bas mamany N.Ábishov dinı ekstremızm jáne terrorızmge áser etetin sýısıdtik oıdyń paıda bolýy, sodan keıin ony isteý taqyrybyn ashyp aıtty. Qostanaı oblystyq Maral ıshan meshitiniń ókili - Naıb-ımam Baqytjan Ikram jáne Orys pravoslavııalyq shirkeýiniń ókili– protoıreı Vıtalıı Gleba óz ómirine ózi balta shapqan jandarǵa dinniń qatynasyn túsindirdi.
Munan keıin quqyq qorǵaý organdarynyń psıholog mamandary jeke qurammen tájirıbe almasty.
Názıra Járimbetova.
Derek, sýret: egemen.kz