Eńbekshiqazaq aýdanynda jyldam shahmattan Almaty oblysy kýboginiń fınaldyq kezeńi ótti. Jarysqa oblystyń barlyq aýdandary, Qonaev, Alataý qalalarynyń oıynshylary qatysty. Shahmatshylar 6 men 70 jas aralyǵyndaǵy 8 jas sanaty boıynsha básekege tústi. О́tken jylǵy kýbok jeńimpazdary da jarystan tys qalmady.
Jarys shveısarııalyq rapıd júıesinde 9 týrdan turdy. Oıyn ýaqyty alǵashqy júristen bastap 10 mınýt 5 sekýndqa jalǵasady. Jeńimpazdar barlyq týrlarda jınaǵan upaılarynyń kórsetkishine qaraı anyqtaldy. Jarys maqsaty – oblystyń barlyq eldi mekenderindegi túrli jastaǵy shahmat áýesqoılarynyń qyzyǵýshylyǵyn arttyryp, oıynshylardyń kásibı deńgeıin kóterý, biliktilik normalaryn oryndaý, oblys quramasynyń sapyna kil myqtyny irikteý.
«Shahmat oıyny balanyń oılaý qabiletin damytýǵa kómektesedi. О́ıtkeni bul – logıkalyq oıyn. Oıyn barysynda jańa kombınasııaǵa negizdelgen qadamdar oılap tabylady. Iаǵnı ıntellektýaldyq qabilettilikti arttyrýda taptyrmas sport túri. Ata-analar da balasyn erte jastan damytýǵa kóńil bóledi. Basty maqsatymyz – shahmatty barlyq eldi mekenderde tanymal etý. Sondyqtan kezekti jarysty shalǵaı jaqtaǵy aýyldarda ótkizýge tyrystyq. Oblysymyzda bul sport túri joǵary deńgeıde damyp keledi», – deıdi Almaty oblystyq shahmat federasııasynyń prezıdenti Sársenǵalı Janqýatov.
Jarys barysynda balalar kelesi jyly elimizdiń túrli qalalarynda ótetin jyldam shahmattan Qazaqstan kýbogine qatysý úshin irikteýden ótý múmkindigine ıe boldy. Jalpy, Almaty oblysy kýboginiń fınaldyq kezeńi tartysty ótti. Komandalyq esepte 1-oryndy Talǵar aýdany, 2-oryndy Qarasaı aýdany, 3-oryndy Eńbekshiqazaq aýdany ıelendi. О́z jas sanattarynda Ásııa Abdýhamıd, Dáýlet Dármenııar, Ámir Abdýhamıd, Nurııa Bulanbaeva, Sultan Toıbol, Altynaı Altynbek, Dinmuhamed Mels, Kámıla Shákenova, Dıas Toıbol, Mádına Qadyr, Zamanbek Ermekov chempıon atandy.
Almaty oblysy