Shýaqty shańyraq

Almatyda sońǵy alty jylda 30 jańa balabaqsha ashyldy О́tken jyly ǵana gazetimizde «Almatyda keıingi bes jyldyń ishinde 25 balabaqsha salynyp, samaladaı sándi ǵımarattar sábıler­diń kúlkisine toldy», dep qýana habar­laǵan edik. Osynaý ıgi is ońtús­tik astanada jalǵasyn taýyp tur. Sol sııaqty, til máselesin balabaqshadan bastaý qajet degen sózimiz naqty is arqyly nátıjesin bere bastaǵanyn aıta ketý qajet. Búginde qaladaǵy balabaqshalarda orys tilinde tár­bıelenip jatqan balalardyń sany 15 myń bolsa, qazaqsha tárbıe alatyn balalardyń sany 30 myńnyń ústinde. Búldir­shinderdiń 70 paıyzy qazaq ba­la­­baq­shasyna baryp júr. Qýa­nar­­­lyǵy, 7054 ózge ult ókilderi bal­a­laryn qazaqsha tárbıeleýge berip otyr. Taıaýda Almaty shaharynyń ákimi Ahmetjan Esimov mektep jasyna deıingi bilim salasynyń jańa nysandaryn aralap kórdi. Qala basshysy Alataý aýdany Aqbulaq shaǵyn aýdanynda ornalasqan 120 oryndy №95 balabaqshada jáne megapolıstiń Medeý aýdanynyń aýmaǵyndaǵy 120 oryndy №124 «Arnaıy» (korreksııaly) ıaslı-baqshada boldy. Ákim mektep jasyna deıingi bilim berýdiń varıatıvti túrin qurýdyń mańyzdylyǵyn atap ótti. Táýlik boıy jumys is­teı­tin korreksııalyq mekemelerdi tolyqtaı jergilikti bıýdjet qar­jy­landyrady. Bularda 2-7 jas aralyǵyndaǵy kózi nashar kóretin jáne tili múkis balalar tegin bilim alady. Kishkentaı kezinen em alǵan mundaı balalardyń 70 paıyzynyń kózi men sóıleý máneri qalypqa kele­tindigi anyqtalǵan. Qazirgi kezde Almatyda mektep jasyna deıingi 9 korreksııalyq balalar mekemeleri jumys isteıdi. Qala ákimi memleket min­dettegen balalarǵa mektep jasyna deıingi bilim berý isine aıryqsha nazar aýdarylatyndyǵyn atap ótti. Mysaly, 2014 jyl «Almaty qalasynda bilimdi damytý jyly» dep jarııalandy, sonyń arqasynda ótken jyly 480 oryndy 4 jańa balabaqsha salynyp, paıdalanýǵa berildi. Sonymen qatar, «Saıaly» shaǵyn aýdanynda jalǵyz basty analar men kezektesip jumys isteıtin ata-analardy qoldaý maq­satynda qalada tuńǵysh ret bes kún ishinde táýlik boıy jumys isteıtin 320 oryndy balabaqsha men «Úmit úıinde» arnaıy toptar ashyldy. Nátıjesinde, ótken jyly 800 oryndy 5 balabaqsha iske qosyldy. Ákim bul baǵyttaǵy jumys odan ári jalǵasady dep atap ótti. Almatyda sońǵy alty jyl ishin­de 30 jańa balabaqsha ashyldy, jalǵa alǵandardyń menshiginde bol­ǵan 7 nysan qaıtarylyp alyndy. Aınash ESALI, «Egemen Qazaqstan». ALMATY. Sýretti túsirgen Dáýren ISAEV.