Jas zertteýshiler forýmy

Palata spıkeri óz sózinde fo­rýmǵa qatysýshylarǵa iltı­pat bil­dirip, Qazaqstan úshin ǵy­lym­dy jáne ǵylymǵa negiz­del­gen ekonomıkany damytý stra­te­gııa­lyq mańyzǵa ıe ekenin aıtty. Jalpy, Memleket basshysy Qasym-Jomart Toqaev jas ǵalym­dardy júıeli qoldaýǵa jáne otan­dyq ǵylymnyń áleýe­tin arttyrýǵa árdaıym basa mán berip keledi.

M.Áshimbaev bul baǵytta jas ǵalymdarǵa óz áleýetterin iske asyrýǵa úlken qoldaý kór­setip otyrǵan alıanstyń ju­my­syna nazar aýdardy. Son­daı-aq ol birlestik otandyq zert­teýshilerdiń ǵylymı-zertteý jobalaryna baǵyt-baǵdar be­rip, olardy dáripteýge úlken úles qosyp kele jatqanyn atap ótti jáne osy baǵytta atqaryl­ǵan jumys pen qol jetkizilgen jetistikterge nazar aýdardy.

«Ádiletti Qazaqstanda ǵylym, ınnovasııa jáne jańa tehnologııa eldiń ornyqty damýynyń negizi retinde qarastyrylady. Prezıdentimiz Qasym-Jomart Toqaevtyń bastamasymen Ǵylym jáne tehnologııalar jónindegi ulttyq keńestiń qurylýy – sonyń jarqyn kórinisi. Keńes ǵylymı jáne tehnologııalyq damý salasynda tıimdi, strategııalyq mańyzdy sheshimder qabyldaý­dy qamtamasyz etedi. Ulttyq ǵylym akademııasynyń ınstıtý­sıonaldyq róli de aıtarlyqtaı nyǵaıdy. Aldaǵy ýaqytta bul ınstıtýt ǵylymı qoǵamdastyq taban tireıtin mańyzdy negizge aınalýǵa tıis. Keıingi 4 jylda Qazaqstanda ǵylymdy qar­jylandyrý úsh eseden asa ósip, 80 mlrd teńgeden 250 mlrd teńgege jetti», dep M.Áshimbaev osy salada Parlament Senaty júzege asyrǵan zańnamalyq reformalarǵa toqtalyp ótti.

Senat tóraǵasy atap ótken­deı, ǵylym ulttyq strategııalyq maqsattarmen jáne básekeles­tik artyqshylyqtarmen tyǵyz ıntegrasııalanyp, úndesýge tıis. Palata spıkeri óz sózinde Par­lament pen ǵylymı qoǵam­dastyqtyń aldaǵy birlesken jumysynyń negizgi baǵyttaryn da tilge tıek etti.

«Elimizdiń azyq-túlik qaýipsizdigin qamtamasyz etý úshin, eń aldymen, agrarlyq ǵylymdy damytýdyń mańyzy zor. Sondaı-aq tabıǵı baıly­ǵymyzdy saqtaýǵa jáne ony tıimdi paıdalanýǵa múmkindik beretin tereń zertteýler, ınnovasııalyq tásilder jáne tehnologııalar qajet. Hımııa, munaı-gaz hımııasy, ǵarysh ǵylymy sııaqty salalardy damytý da strategııalyq mánge ıe. Turaqty ósýge qol jetkizý úshin atom energetıkasynyń damýy jáne jańartylatyn energııa kózderin paıdalanýdyń jańa tásilderi mańyzdy ról atqarady. Osy saladaǵy basym baǵyttardyń taǵy biri – jasandy ıntellekt. Ǵylym ekonomıkanyń turaqty jáne serpindi damýyn sınhron­dy túrde qamtamasyz ete otyryp, eldiń strategııalyq maqsattaryn iske asyrýǵa yqpal etýge tıis», dedi palata tóraǵasy.

Sonymen qatar forým barysynda ǵalymdar men sarapshylar ǵylym salasyndaǵy ózekti máseleler men problema­lardy keńinen talqylap, syndar­ly dıalog qurdy. Sonyń nátıjesinde eldiń áleýmettik-ekonomıkalyq damýy aıasyndaǵy ortaq mindetter aıqyndaldy.