7 jeltoqsanda Tokıo (Japonııa) qalasynda 2024 jylǵy dzıýdodan sońǵy Grand Slam týrnıri bastaldy. Birinshi kúni Qazaqstan quramasynyń sportshylary fınaldyq kezeńge óte almady, dep habarlaıdy Egemen.kz.
Bul týraly Ulttyq olımpıada komıtetiniń baspasóz qyzmeti habarlady.
Erler arasynda 60 kelige deıingi salmaqta Dáýren Súıkenov alǵashqy jekpe-jeginde brazılııalyq Mıshel Aýgýstodan jeńilip qaldy. Sherzod Davlatov ta birinshi kezdesýinde utyldy. Onyń qarsylasy monǵolııalyq Elk Kazırbıek boldy.
73 kelige deıingi salmaqta Baqytjan Ábdirahmanov rýmynııalyq Lýchıan Borsty jeńip, biraq keıin amerıkalyq Djek Enezýkıge jol berdi.
Qyzdar arasyndaǵy básekede qazaqstandyq dzıýdoshylar alǵashqy jekpe-jekterinde jeńiske jete almady. Tolǵanaı Ábeýova (52 kelige deıin) japonııalyq Nanako Sýbonege, Dana Ábdirova (57 kelige deıin) mońǵolııalyq Arıýnza Terbıshke, al Samalaı Erǵalıeva (63 kelige deıin) taǵy bir japonııalyq Megýmı Horıkaveden jeńildi.
Osylaısha, Qazaqstan birinshi kúndi medalsiz aıaqtady.