Bıyl memlekettik qoldaýǵa maquldanǵan ótinimder kólemi 3 esege artqan. Tek 2024 jyldyń ózinde 37 týrıstik nysan men 6 týrıster tasymaldaıtyn avtobýsqa 2,1 mlrd teńge maquldandy, dep habarlaıdy Egemen.kz Úkimettiń baspasóz qyzmetine silteme jasap.
2024 jyldyń sońyna deıin jalpy quny 120,4 mlrd teńgeni quraıtyn 119 ınvestısııalyq jobany aıaqtaý josparlanǵan, bul 1 319 jumys ornyn ashýǵa múmkindik beredi. Negizgi bastamalar qataryna:
Túrkistandaǵy «Medina Palace» qonaq úıiniń qurylysy; Jańa qonaq úı nysandaryn qosý arqyly «Aqsý – Jabaǵyly» shıpajaıyn jańǵyrtý kiredi.«Glempıng alańdary men qonaq úılerin qurý arqyly 10 myń aýyl turǵynyn qosymsha jumyspen qamtamasyz etetin agrotýrızmdi damytýǵa erekshe kóńil bólinýde. Ulttyq parkter aýmaqtaryndaǵy ınfraqurylymdy damytýǵa arnalǵan qonaqúılerdi jikteý júıesin jańartý jáne jergilikti atqarýshy organdar ókilettikterin keńeıtý josparlanyp otyr», delingen habarlamada.