Astanada «Dyson» qoımasynyń atyn jamylǵan esirtkiniń iri partııasy anyqtaldy, dep habarlaıdy Egemen.kz.
Esirtki qylmysyna qarsy kúres basqarmasynyń qyzmetkerleri turmystyq tehnıka satamyn degen jeleýmen qoımany jalǵa alyp, biraq ony asa iri kólemdegi esirtki zattaryn saqtaý úshin paıdalanǵan 35 jastaǵy azamatty anyqtap, ustaǵan.
«Ustalǵan adamnyń kóliginde jedel ýákilder untaq zaty bar 11 konvolıýsııany tapty. Páterdi tintý kezinde metkatınon, sıntetıkalyq esirtki, kannabıs shaıyry, sondaı-aq satýǵa daıyn 357 betbelgi sııaqty tyıym salynǵan zattar tárkilendi. Polıseıler zańsyz aınalymnan jeti kılogramnan astam esirtki tárkiledi. Osylaısha, esirtkiniń 35 myń dozasy zańsyz aınalymǵa jiberilmedi», dep habarlady Astana PD baspasóz qyzmeti.
Sonymen qatar, esirtki satatyn ınternet-dúkenniń jarnamasy bar plastıkalyq kartalar tabylǵany habarlandy.
Tárkilengen tyıym salynǵan zattar áleýmettik jeliler arqyly taratýǵa arnalǵany anyqtalǵan.
«Kúdikti óziniń Dyson ınternet-dúkeniniń «qoıma» qyzmetin atqarǵanyn moıyndady, bul fakti boıynsha sotqa deıingi tergeý júrgizilip, er adam ýaqytsha ustaý ızolıatoryna qamaldy», delingen habarlamada.